【超平童裝玩具開倉】198蚊貨車仔有得砌有得坐

當然其中一個目的是順便跟進一下呢間開倉會唔會好似Gap Outlet咁不思進取,又加價又再無靚價咁。參考連結:【好無癮】Gap Outlet童裝忽然加價

【優惠資訊】198蚊貨車仔有得砌有得坐

誰不知「唔去由自可,一去又破財!」...真係好多正嘢,唔信你碌落去睇下啦!

【優惠資訊】198蚊貨車仔有得砌有得坐

一走進店內發現全場裝潢基本一樣,但貨品擺位略有不同,童裝返咗好多新貨。

【優惠資訊】198蚊貨車仔有得砌有得坐

眼前不單多了大量童裝衣物新貨,大大小小的玩具選擇比之前到訪時多了很多。

【優惠資訊】198蚊貨車仔有得砌有得坐

店內更安裝了一個大投射屏幕,播放卡通片。店主說是希望媽媽在shopping的同時,小朋友可以有啲嘢睇下無咁悶。

【優惠資訊】198蚊貨車仔有得砌有得坐

呢個搖搖小馬係新返架,睇到我都想玩,售價$399。其實我曾經喺坊間啲Play Group場地見過呢個小馬,只係冇諗過原來可以買返屋企自私玩!不過就要屋企地方夠大先擺得落。

【優惠資訊】198蚊貨車仔有得砌有得坐

查問下發現上次介紹果款廚房同打鼓玩具原來已經補過幾次貨!現場好多小朋友都埋頭玩完又玩!參考連結:【150蚊買滑梯】兒童用品開倉大特賣

【優惠資訊】198蚊貨車仔有得砌有得坐

嫌紅色小馬太大,仲有呢個小巧啲嘅啡色搖搖馬仔,毛茸茸咁都好得意架,另有白色同粉紅色選擇,售價$298。

【優惠資訊】198蚊貨車仔有得砌有得坐

其中最吸引我眼球的其實是呢款黃色BB貨車仔!有咩咁特別?如果大家係我哋忠實嘅《親子頭條》讀者,一定有印象上次我曾介紹過尖沙咀Mattel玩具開倉 ( 參考連結:【超突然!】尖沙咀名牌玩具開倉 ) 當時咪有一架玩具車賣200蚊好抵買嘅,但首天被搶購一空,我只能遠觀而不可褻玩,嗚嗚!今次竟然畀我喺呢度見到同類型貨車仔,都係賣$198,平多2蚊之餘,我覺得呢架仲靚仲好玩,完全無唔買嘅理由!

【優惠資訊】198蚊貨車仔有得砌有得坐

黃色的貨架可以揭開,變身可讓BB坐的學步車仔 (黃色的貨架可整個拆除)。經我人肉測試過都幾實淨架!

【優惠資訊】198蚊貨車仔有得砌有得坐

車頭控制盤位置設有3個按鈕,可以發出唔同嘅聲效架。

【優惠資訊】198蚊貨車仔有得砌有得坐

貨架上除咗可以畀小朋友「運送」玩具外,跟車仲有一袋積木,畀你砌上貨架上面,超正喎!我要買!我要買!

【優惠資訊】198蚊貨車仔有得砌有得坐

至於呢個咁有型嘅電單車,真係入電玩架!售價:$468。

【優惠資訊】198蚊貨車仔有得砌有得坐

呢架車唔使入油,係充電玩嘅。

【優惠資訊】198蚊貨車仔有得砌有得坐

車輪位置喺電單車啟動時會著燈發光架。

【優惠資訊】198蚊貨車仔有得砌有得坐

後方就有個盒仔。

【優惠資訊】198蚊貨車仔有得砌有得坐

打開可以畀小朋友擺放隨身小物。

【優惠資訊】198蚊貨車仔有得砌有得坐

雖然我自己都好想玩,但因為呢架車係畀小朋友玩嘅,所以我唯有喺現場欣賞店主小兒坐電單車嘅英姿!

【優惠資訊】198蚊貨車仔有得砌有得坐

其實佢係一個3輪嘅電動車仔,速度唔係太快架咋,現場睇落小朋友玩得都好穩定嘅,當然家長要確保開車嘅環境係安全啦!喺街玩就唔好喇!

【優惠資訊】198蚊貨車仔有得砌有得坐

唔鍾意玩車仔呢類咁動態嘅活動,可以玩彈琴呀,黑色玩具琴$488,紅色小琴$328。

【優惠資訊】198蚊貨車仔有得砌有得坐

黑色玩具琴真係可以畀小朋友坐低彈架,好得意呀!呢個琴又係要推介下,我喺青衣一間音樂教室見過,標價$799呀,呢度500蚊有找,係咪抵先?屋企有位真係冇理由唔買!

【優惠資訊】198蚊貨車仔有得砌有得坐

上次個廚房玩具好正,新返呢個超市系列仲正,兩個小朋友可以一個扮收銀、一個扮買嘢。

【優惠資訊】198蚊貨車仔有得砌有得坐

呢個IceCream Shop又係好得意,售價$198。

【優惠資訊】198蚊貨車仔有得砌有得坐

男仔唔鍾意煮飯仔、買餸呢啲玩意?冇問題!玩工具啦!售價$148。

【優惠資訊】198蚊貨車仔有得砌有得坐

其他新貨仲有呢款軟綿綿嘅陪睡兔仔,初生BB啱用!$38咋!

【優惠資訊】198蚊貨車仔有得砌有得坐

同埋呢兩款Doraemon同Hello Kitty遙控車仔,喺玩具反斗城特價時都要二百幾蚊,呢度賣緊$78咋,係必掃item呀真係!

【優惠資訊】198蚊貨車仔有得砌有得坐

呢款平通街嘅廿蚊munchkin ABC貼都返咗貨。其實我真係非常好奇,因為經常四圍格價嘅我,知道呢款ABC貼同上次果款香蕉牙膠真係無可能賣20蚊咁平,所以就忍唔住問下店主究竟點解可以賣咁平。而身為爸爸嘅店主就淡然稱:「其實呢款ABC貼原本只係諗住清貨。但因後來太多客人查詢,自己都係為人父母,唔想見媽媽客人嚟到買唔到嘅失望樣,所以就決定再入貨,用入貨價平手賣出,等大家都開心下啦!」

呢種「將心比己」嘅做生意態度真係好好!我本人就好欣賞喇!所以雖然我原本只係為大家跟進下有咩新貨平貨,但最後我自己又放低錢,自己買又幫媽媽朋友買咗3架車仔、兩盒ABC貼!真金白銀賣架我真係,無收回佣、唔係廣告嚟架呢個!

【優惠資訊】198蚊貨車仔有得砌有得坐

好彩有人幫我手拎咋!特別嗚謝A先生同L先生仗義相助搬車。

睇到呢度有冇發現我淨係講玩具冇講童裝呢?因為太多新貨喇,要留返下一篇先介紹呀。最後又提提各位,呢度星期日唔開架!星期一至六嘅營業時間係12-7pm,唔好星期日去摸門釘呀!

地址:葵興樂聲工業中心B座14樓

田叔叔英語閱讀計劃2023-24
田叔叔英語閱讀計劃2023-24
 親子最關注
香港優質教育機構巡禮 2024