全港唯一免費大型萬聖節活動「屍囚之路」即將係樂富廣場登場,琴日小編率先為大家試探虛實,坊間市民普遍認為免費野冇好野,究竟係真唔係?

活動舉行地點係一個露天平台,雖然冇瓦遮頭,但大家唔洗擔心,活動係由下午4點至晚上10時,曬極都有個譜。係入鬼屋之前,先同大家睇下附近嘅免費攤位遊戲。

免費攤位遊戲

1.逃出生天

玩法好簡單,就係靠郁動迷宮木板,令個波係最快時間內到達指定位置。

 20160913 4620 A1

2.一線生機

企定定將個波拋入去五個洞口之一,命中越高的洞獎品越豐富。

 20160913 4620 A2

 3.破門而出

站在指定位置,有四球機會,擊倒淺藍色方塊就會有一支野飲。

20160913 4620 A3

3個遊戲攤位都係任玩,小朋友可以不停排隊玩到成功為止,難易度都唔會話好誇張,小朋友應該可以輕易贏走獎品。要注意嘅係,雖然一般市民同小朋友可以免費參與,但完成或通關只會有一份小禮品,大獎公仔只係會比持有喪玩嘉年華遊戲劵嘅人士。

屍囚之路

重頭戲嚟啦,鬼屋佈置格局望落都好認真。

20160913 4620 A001

一開始玩家可以揀一種成屍方法,包含「爽死」、「歎死」、「扮死」同「冧死」,影一張囚犯相,持屍囚之路特快門票玩家可以事後係屍囚相片攤位到拎走屬於自己嘅「屍照」。

20160913 4620 A4

鬼屋佈置氣氛都做得唔錯,而工作人員嘅打扮妝容都好逼真,彈出嚟嚇你果下真係會心都離一離。

20160913 4620 A5

20160913 4620 A6

行到最尾,如果你交唔出密碼就要揀一種死法嚟結束遊戲!

20160913 4620 A0000001

總括嚟講,呢間鬼屋氣氛同驚嚇度都交到功課,仲要免費入場!其實真係幾抵玩,大家路過或者有時間,小編都推薦大家去排隊玩下,真心唔錯。

屍囚之路

日期:2016年9月16日至10月31日(逢星期五至日、公眾假期及萬聖節當日)

時間:下午4時至10時

地點:領展樂富廣場B區露天平台

「喪玩快證套票」換領

換領日期:2016年9月16日至10月31日(逢星期五至日、公眾假期及萬聖節當日)

換領時間:下午2時至9時

指定領展商場及街市:樂富廣場及樂富街市、黃大仙中心、H.A.N.D.S、良景廣場、啟田商場、鯉魚門廣場、尚德廣場、彩明商場

換領方法

顧客於指定領展商場或街市一星期內累積消費滿HK$400或以上,並出示該消費商場內商戶發出之機印發票正本。

(同一商場及街市2張至4張由不同商戶發出的機印發票正本,其中最少一張必須為電子消費發票,每張發票金額須為HK$100或以上)

即可換領「喪玩快證套票」一套。套票包括:「屍囚之路特快門票」2張及「喪玩嘉年華遊戲劵」2張。

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×