接近6個月嘅BB可以開始嘗試食米糊及果蓉等嬰兒輔食,一方面可以畀BB吸收更豐富嘅營養,因為單食母乳或配方奶已經唔可以完全滿足BB嘅營養需要。

另一方面亦可以畀BB學習新嘅技能,例如咀嚼、吞嚥等口肌能力。而嘗試唔同類型、質感、新口味嘅食物,都有助BB逐步適應成人多樣化嘅飲食習慣,引起佢地對食物嘅興趣,減少偏食問題。

食米糊就可以就咁加水或加奶攪拌均勻就OK,咁果蓉、菜泥等糊狀食物又可以點整呢?雖然坊間都已經有好多唔同品牌推出嘅Baby Food糊仔,一樽樽咁包裝好,出街食仲好方便添,不過自己整又環保又慳錢,親手製作嘅糊仔仲包含媽媽對BB嘅愛,係唔同啲架!

Hody Ma今次就介紹以下兩個整糊狀食物嘅好用工具畀大家,兩個小工具都係Hody Ma個朋友無私分享介紹架!除咗可以好輕鬆咁將生果、瓜菜等食品製成糊狀,仲唔使用電攪拌機,清洗又方便。最重要係兩件小工具都只售幾十蚊貨仔,抵玩呀!

【親子飲食】整果蓉?唔使用攪拌機嘅!

【親子飲食】整果蓉?唔使用攪拌機嘅!

手動攪拌器
將生果如蘋果、香蕉、啤梨、桃、木瓜等切粒,再放入攪拌器內,然後再拿起手柄打圈攪拌,生果即會攪成糊狀,超方便。

【親子飲食】整果蓉?唔使用攪拌機嘅!

【親子飲食】整果蓉?唔使用攪拌機嘅!

濾網磨蓉碗
呢個濾網磨蓉碗就適合用於已蒸熟的瓜果菜類。把南瓜、紅蘿蔔等煮軟煮熟切碎後,用湯匙在濾網面壓下過濾。容器上設有坑紋,如瓜果顆粒較粗,可將之壓下再磨成蓉。

 

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×