對比香港老師要學生週記題目要寫持續發展,台灣學生就同老師係手冊上吟詩作對,分享生活點滴。

同香港手冊只用於記錄功課唔同,台灣手冊需要學生每日於手冊上寫低手記,同老師分享生活心情。台灣桃園市新屋國中導師陸昌孝,舊年開始偶爾會收到班上一名男同學以詩寫嘅手記。陸老師見學生咁有心思,自己又用詩回覆返對方,一來一回下兩人就變成每日一詩。陸老師將文章放上佢地班會嘅網上專頁,引來網民熱烈討論,大家都大讚陸老師熱心教學,充滿愛心。

【親子趣聞】台灣師生係手冊吟詩作對 

陸老師話,好多學生都唔鍾意寫手記,於是就叫學生自己發揮,畫畫寫文咩都可以,但佢笑稱詩就真係第一次收到。目前,陸老師依然持續於網上分享班中學生嘅手記,呢位男同學同佢嘅手記更係備受網民青睞。

其實最好嘅教育方式,就係令學生可以自主、並不自覺咁愛上學習,但因為咁做實在太花時間同心機,所以真係好睇老師有無心。而明顯,陸老師真係一位非常有心嘅老師!

資料來源:Facebook專頁《新國中810》

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×