細緻嘅反光位、用色大膽又非常豐富嘅背景處理…只能講呢份亞軍嘅填色作品實真係非常出色,之不過點睇都唔似係出自3歲小童之手喎。

20170517 6843 B04

近日有網民上傳一幅幼兒填色比賽嘅得獎作品,由於作品顏色填得太靚太細緻,一睇就知唔係3歲小朋友嘅作品,因此引來網民熱烈討論,指呢個比賽唔應該叫幼兒組,係應該叫家長組先啱!網民紛紛表態,指家長干涉令比賽已經失去原有嘅意義;亦有好多網民話,呢份作品好多大人都未必畫得到,而3歲小朋友,可以填色唔出界已經好叻。更有人分享自己3歲仔仔嘅填色作品,話要對比下有幾大差別添!

 

有人可能會話:「咁可能小朋友有繪畫,又自幼習畫呢!」我地就參考咗網上部份比較出色嘅兒童畫作,好似呢幅就係幼種園中班作品:

 20170517 6843 B07

而一般坊間興趣班嘅幼兒畫班貼堂作品,較靚嘅作品就係咁:

 20170518 6843 B01

屋企個小朋友隨便油顏色可能就係咁:

20170517 6843 B06

唔好淨係比較香港兒童嘅畫作啦﹗睇下外國嘅小朋友又點,呢幅係巴西五歲男童的作品:

20170517 6843 B08

其實小朋友學畫畫係有佢嘅規律,由18個月開始,至到9歲嘅小朋友對於畫畫係有3個學習階段嘅:

塗鴉期

18個月至3歲嘅小朋友,筆下嘅畫以線為主,一般無具體形象。但其實呢個係小朋友繪畫嘅真實體現。

象徵期

3至5歲嘅小朋友開始可以創作自己嘅圖形符號,並開始命名。由於呢個時候嘅小朋友,只會關注到事物特點,作品偏向直覺象徵化,佢哋嘅畫會同實際事物有差異。

主觀情感表達期

5至9歲呢個時期,係小朋友學習兒童畫嘅黃金時期,係佢地兒童思維最活躍時期,佢哋係呢個年紀開始可以表達到自己想法,觀察力變強令佢哋開始更著重於細節嘅刻畫,並有明顯寫實傾向,6歲後嘅小朋友將可以憑記憶,將所見所聞加以概括並重組表現。

雖然有部份天才兒童對顏色及圖象觸感特別敏銳,被人稱為天才畫家,但呢啲只係非常少數。而且目前年紀最細嘅天才職業畫家,年紀都有5歲,而且畫亦唔係走寫實風格。不過事實係點就留畀大家自己去判斷,只不過無論點都好,比賽呢啲嘢,都係公平競爭好,否則對其他認真製作嘅小朋友就太唔公平啦!

圖片及資料來源:《Wawawa Wai》Facebook Page、網絡

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×