2019-12-16, 週一

【就嚟生啦】清胎毒食乜好?

下個月就生啦,今個星期開始進行清胎毒工程,其實都幾開心,因為食嘅都係糖水,阿媽煲咗幾日腐竹蛋糖水、芝麻糊等,呢啲都係坊間流傳嘅清胎毒「美食」。各位媽媽及準媽媽,你哋又食啲乜嚟清胎毒呢?

其實清胎毒原因大致是因為想BB出世皮膚好一點、脾氣乖一點、減少夜晚喊的機會,所以準媽媽們都會於懷孕7/8個月打後開始進行清胎毒,聽過不同媽媽朋友意見,大致都係食腐竹蛋糖水、芝麻糊、綠豆沙、西瓜等,亦有些人會飲用白蓮鬚、椰青水等,不過當中不乏一些被指較為寒涼的食物,好似西瓜、綠豆沙等,是故小編都暫時未敢食到咁盡。

【親子交流】清胎毒食乜好?

媽媽自家製芝麻合桃糊,甜度剛好,即磨即食。

20170107 5736S02

桑寄生蓮子蛋茶,食完之覺得好滋潤。

媽媽都是自家製感覺上較為中性的糖水,例如腐竹蛋、芝麻糊及桑寄生蓮子蛋茶,自家製的好處是可以控制甜度,不會進食過量糖份,始終孕婦都不能吃得過甜。

20170107 5736S03

腐竹蛋糖水都係另一「飛佛」。

至於不少中醫說可以飲用的白蓮鬚呢,小編就有朋友說未敢飲用,因為曾聽過有朋友飲用之後,生產時會比較痛,醫院姑娘就說是她飲用白蓮鬚的後果,所以說是不能飲用的。說到這樣都真是不知誰是誰非,小編就應該繼續選取性質較溫和的清胎毒食物,唔知你哋又點揀呢?

【親子交流】清胎毒食乜好?

你哋清胎毒時又有無食白蓮鬚呢?

計我話,如果想清胎毒得來又健康,大家都是要找合資格人士如中、西醫查問,以免臨生前出任何亂子,始終大肚婆都係凡事小心為上好。

部分圖片:網絡