小編自從大咗肚之後,發現到人間有愛,不時都會遇到有心人讓座﹗當然,讓座唔係必然,有時有啲大叔大嬸讓我,都會感到有點唔好意思。但今朝返工呢個經歷真係又大開眼界‧‧‧‧‧‧

【讓座文化】阿婆鬧後生女唔讓座……

話說今朝返工搭港鐵,小編就頂住個大肚企緊,前面個「哥仔」望咗我個肚幾眼,始終無讓位,都唔緊要,小編都明可能本身肥底,阿哥仔以為我籮咁大個肚腩啦。雖然都有少少攰,但幾個站就算啦,企一陣都仲OK。

【讓座文化】阿婆鬧後生女唔讓座……(圖片只供參考)

誰不知,搭咗兩個站之後,旁邊一格位置傳來一陣騷動,有兩個帶有口音的阿婆指罵隔離位一個女仔(應該係後生女),阿婆話:「你個後生女都唔尊重老人家,又唔讓座……」講咗乜我都唔係記得好清楚,大意係後生細女,咁都唔識讓下啲老人家咁啦。女仔並沒有出聲,前面一位男士則幫口:「你地都無尊重過啲後生啦,人地唔一定要讓你架,帶埋啲咁嘅文化嚟,唔讓你打人都得架啦﹗唔好嘈啦你哋。」然後,兩個阿婆都收口沒再說下去。

【讓座文化】阿婆鬧後生女唔讓座……(圖片只供參考)

其實今朝呢位男士又無錯嘅,讓唔讓位真係個人決定,有時唔讓位要畀人鬧就真係有點慘。說實在,雖然小編現時大住個肚,但唔讓位嘅大有人在,有時坐低咗之後,見到有啲阿公阿婆都無人讓又覺得唔係幾好意思,唔通開口叫其他人讓咩……

相信呢個讓座文化嘅討論,真係點都得唔到結果,大家隨心而行,做到心安理得咪OK囉!

 

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×