常言道:「身體比嘴巴誠實」,無論講啲咩,都不及行動及肢體語言有說服力。而兩人瞓覺嘅姿勢,其實可以好真實咁透露出兩人關係嘅組成。英國就有研究,調查咗當地多對夫妻嘅常見睡姿,總結咗8種姿勢所代表嘅關係。

 20170420 6612 B04

背對背沒有接觸

咁嘅姿勢表示夫婦的兩人都非常獨立,兩人夫妻關係親密且自由。而呢一種自由關係,最關鍵在於彼此存有安全感,因此一般係老夫老妻比較多呢種姿勢。

背貼背互相依靠

面向唔同方向,但背貼住背,代表兩人珍惜對方,關係舒適愉快,呢種睡姿多數出現於拍拖無幾耐嘅情侶。

男方從背後環抱

呢種睡姿好常見,相信好多夫妻都咁樣瞓過,而呢個姿勢係代表,其中有一方係特別需要被保護。

面對面又背對背

兩人手腳交纏10分鐘又分開,表示其中一位伴侶嘅自我保護意識比較強,兩人感情關係亦有些許複雜。

一人霸大半張床

伴侶其中一人瞓覺瞓到成個超人姿勢咁,仲霸佔成大半張床,另一方又無任何不滿,就顯示一方係「話事人」。

躺於伴侶胸懷裡

呢種睡姿非常親密,瞓係伴侶胸懷中,雙腳仲交纏住,就代表兩人依然擁有激情,仍然熱戀中。

面對面沒有接觸

彼此面對面咁瞓,但兩人都有些許距離,證明兩人的親密關係建基於日常溝通上。

面對面手腳交纏

感覺相當甜蜜又浪漫嘅一種睡姿,表示兩人相處和諧,並且相互依存,兩人都依靠對方無法獨立。

睇完大家又覺得準唔準?不過點都好,數據始終只係一個參考,相處上嘅嘢都係只有自己先知道,只要夫妻相處只要覺得開心快樂就夠啦!

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×