2019-08-19, 週一

【重要資訊知多啲】如何預防嬰兒猝死症

初生BB非常脆弱,家長少少嘅閃失,都有可能會對BB造成好大嘅影響,甚至患上嬰兒猝死症。

嬰兒猝死症係指初生至1歲嘅BB,於睡眠中突然猝死,而且死因不明嘅情況。衛生署數據就指出,呢種猝死症係香港並不常見,約10,000名BB中,只會有1至3名BB死於此症。不過家長都唔可以因此鬆懈,因為目前醫學研究未能完全了解嬰兒猝死的主要原因及機制,目前可確實嘅係「安全睡眠環境」係最有效嘅預防方式。

【親子交流】如何預防嬰兒猝死症 

圖片來源:Freepr

 

美國兒科醫學會2016年10就於兒科醫學會提出,預防嬰兒猝死症嘅3個重點。

正確而安全嘅睡眠環境

首先,BB一定要仰睡,仰睡將會較俯睡安全六倍,亦較側睡安全兩倍。其次係BB床要無雜物、床墊堅實、床欄間距要適合,而家長都最好避免同BB同床,做到同房不同床。另外,包起初生BB係可以嘅,但唔好過度包裹,太悶熱都係會增加BB猝死機會。

避免接觸二手煙

二手煙之中物質會誘發呼吸道發炎,好多猝死病例都發現過度發炎對呼吸道係種傷害,有可能係造成嬰兒猝死原因。除此之外,媽媽處於二手煙環境中都會大大增加過敏疾病的發生率,並影響生殖細胞,令呢種過敏調節失控機制再遺傳俾下一代,而呢樣已經證實同嬰兒猝死症係有關聯嘅。

勿用頭形枕或BB瞓覺固定器

高度唔啱嘅枕頭,或會增加嬰兒頸椎壓力,有機會令BB轉頭或側睡時遮到口鼻,影響呼吸。

美國兒科醫學會就建議,家長可以係BB清醒時,在旁監護住佢趴係度玩。因為趴係度時BB就會想抬起頭,令佢頸部肌肉得到訓練。呢個行為有助BB係遇到床上物品阻塞呼吸道嘅時候,自行脫困。另外亦可預防仰睡造成頭型塌扁問題。不過家長就真係要打醒十二分精神先好做,亦要自行斟酌可行性喇。

資料來源:American Academy of Pediatrics

×