8906

Jade Szonyi係澳洲航空已經做咗14年,自己本身亦有兩個小朋友,可以話見盡晒所有家長同小朋友搭飛機嘅難題,今次就睇下佢有咩貼士啦!

20180607 8906 v01

同小朋友搭飛機最好坐咩位置?

如果帶bb搭飛機,最好揀bb籃對面的座位,不過座位有限,最好提前book定啦。盡量揾個走廊位,最好靠近有換片設施嘅洗手間,方便出入幫bb換片。另外,揀個遠離廚房嘅位置,就可以等bb有個較安靜嘅環境瞓覺休息。至於歲數大啲嘅小朋友,如果有得揀位,最好都係揀翻隔板後面第一排或者其他遠離廚房嘅位置。

20180607 8906 v02

小朋友衣著、食物方面有咩建議?

搭夜機的話,我通常會幫小朋友著睡衣,同時帶多幾件衫,就可以因應機艙溫度而加減。機上嘅兒童餐選擇豐富,例如澳洲航空會有BB食物可以提前預訂,不過都建議準備定零食,因為小朋友唔似大人可以定時進食,佢地會不定時肚餓!有零食就可以隨時安撫小朋友,同埋減輕起飛時耳仔痛。好似澳洲航空就準備左Tim Tam , Weis Bars 等澳洲特色小零食。

20180607 8906 v03

 

搭長途機帶咩俾小朋友玩好呀?

機上有好多娛樂選擇,包括兒童節目。我個女鍾意睇書,所以我哋每次飛長途都會喺機場買本新書畀佢。而澳洲航空飛行常客計劃的小朋友仲會獲得Joey Club兒童套裝,可以睇故仔了解澳洲,同埋系畫板上面畫畫,小朋友實全程乖乖聽話!
20180607 8906 v04
同小朋友搭長途機最好揀咩時間飛?
搭日機夜機各有好處。如果小朋友係飛機度瞓得著,搭夜機係個最好選擇。搭日機的話,小朋友可以跟返平時作息,不過要用食嘢、玩玩具同睇劇打發時間。所以最好都係培養適應能力,無論咩情況都搞得掂。

 

有冇其它貼士分享下?
預先計劃好,做定準備,同埋提早去機場,因為有小朋友喺度樣樣嘢都會拖慢咗。有用嘅嘢先好帶,而孭背囊可以騰出雙手,好過用側孭袋。仲有帶定bb濕紙巾,我就算小朋友宜家大左都照帶,可以用黎抹面、抹枱,或者倒瀉野、整污糟左件衫時用黎清潔。最緊要放鬆心情,有需要可以隨時揾機組人員幫手。


有咗咁多貼士,以後就可以輕輕鬆鬆同小朋友去旅行啦!

資料來源: Jade Szonyi Instagram: @mumwithwings

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×