9035

 

一直患有嚴重經痛嘅小編我,前幾日真係去咗做檢查啦!今日就嚟同大家分享吓做呢個檢查嘅經歷同感想…

不過最近有讀者同小編分享發現,每間診所收費真係可以差好遠,有人扣埋資助都要畀成千蚊先有得做。所以申請完之後,打去BOOK時真係真係要問清楚…

 20180710 9035 B01

事情由上次收到確認信開始講起,小編當日即時就打咗去安排嘅診所處預約。參與呢類優惠,最怕就係佢講就話有資助,實際規則一堆,計計埋埋可能埋單仲貴過出面睇…

所以小編打去後大概約咗日子後,就問咗幾次點收費同優惠用法:

當時姑娘就答我:「正常包埋診金,收費係$450啦,但如果另外開藥嘅話就到時另計收費。」

小編:「咁用埋個資助,係唔係可以可以扣哂檢查同診金嘅費用?」

姑娘:「資助?你到時帶埋過嚟啦。」

小編:「哦…咁其實係唔係:無資助嘅話,總收費就係$450、有資助就再扣除?」

姑娘:「係呀,到時要開藥嘅話先另外再收費。」

小編:「除此之外無其他收費㗎啦呵?」

姑娘:「無。」

於是小編準時赴約。

 20180710 9035 B02

去前記得一定要印埋電郵封信,到時姑娘會收。

20180710 9035 B03

間診所位於荃灣,係幢大樓入面,環境都幾大幾舒適,登記時見佢櫃台貼咗張公告係關於收費調整嘅紙仔,於是我再向姑娘確認一次收費。點知姑娘就話,佢哋做法係扣診金,而診金就係$500,而超聲波係$400蚊…啫係普通WALK IN的話,收費係$900…同電話講嘅有出入。好彩畀$400個價錢都尚可接受…加上小編又真係有需要照,所以最後都決定檢查。

 

除咗收費溝通上有所保留外,其實診所服務同環境都唔錯,姑娘都好溫柔。不過因為檢查要好似驗孕咁照小腹,幫小編檢查個醫生係男人,呢樣就有些少尷尬…不過好彩一啲比較尷尬嘅時刻,護士姐姐都會幫手遮掩吓。

成個過程都好簡單,小編入到去時,醫生就問咗啲關於我經痛嘅情況,再了解吓有無藥物過敏等等…跟住就去照超聲波,照完後醫生又會同你講解返你嘅狀況,同埋講解一下有咩處理方法。

 

其實小編自中學時期開始,就有經痛問題,隨住年紀越來越大,就越嚟越痛…除咗試過當街暈底、企唔到、飆冷汗等等情況,最厲害時期試過痛到喺屋企地下碌、1個鐘食咗6粒止痛藥先無咁痛。之前睇家庭醫生,有醫生就話係因為子宮前傾、又有醫生話生完仔就會好返。但今次照超聲波,醫生就話子宮前傾好多人都有,而我都有呢個狀況,但一般都唔太關經痛事,反而子宮後傾就可能係子宮出現一啲狀況而產生,因而導致經痛。而生完仔,經痛就會好返,醫生就話睇人啦,佢有病人生完仲痛咗…

 

咁小編照完,醫生就話睇唔到有咩問題,唯一解釋就係我可能係經期間,體內荷爾蒙(雌激素和黃體素)分泌過多,導致我經痛。唯一方法就係食止痛藥,止唔住就食強效啲嘅…如果最後真真真真係無辦法,最後先考慮食避孕藥調經…不過呢個方法會有啲後遺症,要諗諗先。

 

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×
來讚一個好吧!!

ParentingHeadlineLOGO