2019-10-21, 週一

【媽咪!我想食糖啊】分階段控制小朋友少食糖

自從小朋友食到第一啖糖之後,好似發現新大陸咁,但食糖太多對身體有諸多危害,在體內可以轉化為脂肪,導致小兒肥胖,成為心血管疾病嘅潛在誘因。糖只可以供給熱量,而無其他營養素價值。咁究竟點樣先可以比小朋友初試糖果呢?

20171030 7915 V01
0~6個月
呢個年齡階段嘅BB只可以代謝乳糖、蔗糖等簡單嘅糖,所以只需餵哺母乳或配方奶粉就可以,唔使再添加糖。

 

6~12個月
呢個時期嘅BB開始分泌澱粉酶,初步具備消化多醣澱粉嘅能力,因而在呢個階段父母要及時為寶寶添加輔食。可選擇低糖或無糖食品。

 

1~3歲
幼兒胃腸消化功能進一步加強,可以食嘅食物種類慢慢接近大人,只要比小朋友均衡攝入穀物類、蔬果類、畜禽肉類和魚蝦、蛋類、奶豆類等,就可以保證小朋友對糖、澱粉、膳食纖維,以及其他營養素嘅需求。

 20171030 7915 V02

吃糖都有時間點
父母要注意掌控寶寶糖的攝入量,唔好將糖作為特殊禮物獎勵,選擇合適食糖時間,食飽後、吃飯前兩小時內、睡覺前,都唔應該比小朋友食糖或食甜品。為防止長蛀牙,盡可能食完糖立即刷牙,降低患蛀牙嘅概率。

 

另外如果運動前唔適宜太飽,可以食小小糖滿足人體所需嘅能量供應。或者過於疲勞或飢餓時,體內熱能失去過多,都可以食小小糖果,有助於迅速補充體能