2019-12-12, 週四

【米蟲拜拜】4招教你防米蟲

每天食嘅白米忽然有蟲,真係睇到都唔舒服!如長生咗米蟲又唔理佢,佢就會越生越多,米亦有可能變成粉!但到底應該點樣預防並驅除米蟲?一齊睇吓啦!

首先,米蟲孵化需要溫度跟濕度,杜絕米蟲最好嘅方法,就是把米存放喺雪櫃。建議白米買返嚟後,先雪入冰格三小時,再放入雪櫃,即可避免蟲卵孵化,並用低溫將米蟲凍死,之後只要喺洗米嘅過程當中,將死去嘅米蟲、蟲卵徹底洗淨就無問題啦!

 20171214 8155 B01

 

 

其實亦建議大家,米盡量以新鮮食用為主,一次唔好買太大包,計算過食用量再購買,買回家也唔好放置太耐,也是避免長蟲嘅好方法!

 

雪櫃「除蟲」後,平常又可以點樣「防蟲」呢?以下呢幾個方法,除卻米之外,其他例如綠豆、紅豆等等都可以用以下嘅方法預防及驅除:

 

月桂葉
月桂葉具有防腐效果,喺米缸中放入幾片乾燥月桂葉,置於米缸中即可防蟲。

帶皮大蒜
將未剝皮嘅大蒜顆粒放入棉袋中,綁起後放喺米桶內處。

去籽辣椒
將紅辣椒去籽切兩截,置於米缸中(分量約十公斤嘅米放五條辣椒)。