季節轉換~時熱時冷,每次都會好多人中招,診所都會變到好忙⋯

20170427 6665 01

呢啲時候,我哋都忙到想快快清哂啲症⋯
有位男士一朝早登記,我:「排第十三個啊」
佢:「咁即係幾點返嚟?」
我:「前面十二個,你預一個5分鐘左右⋯你預返時間返嚟等啊,過咗5個名嘅要重新排過㗎~」
佢:「咁即係都要等成個鐘⋯喎」
我:「差唔多啦~」
佢:「有冇啲人排咗冇嚟㗎?」
我望望坐滿人嘅候診大堂:「冇呀,都坐哂喺度⋯」

佢對我係咁單眼:「有嘅可唔可以攝我上去先?」

你抽筋呀?

我:「唔可以啊,個個都排緊」
佢又單眼:「你得嘅」
我:「如果有人行開咗,都會順住排落去,請你坐低等啊~」

佢冇岀聲,就咁一直企喺我面前。只要我一抬頭,佢就會望住我單眼單眼又單眼。

醫生,我懷疑呢位病人臉部神經有問題,你會唔會考慮直接叫佢去醫院?

我嗌排第三個嘅病人名:「乜乜乜小姐,乜小姐?」
原來乜小姐行開咗,一直企喺度單眼嘅佢變到雙眼快速閃動。
我順住嗌第四個:「乜乜乜先生,可以入去見醫生啦~」

佢即刻拍枱,雙眼停止咗又單又雙咁閃動,佢好返啦!

佢:「做乜唔係我入去㗎?」

我:「我咪話咗係順住叫落去,你係排第十三個嘅」
佢:「你俾我掟個靚灣咁睇先有乜問題?頭先嗰個乜小姐都冇嚟,我代佢個位咪得囉!」
我都廢事啋你⋯
佢:「你嗌你manager岀嚟答我!」
我:「我呢間診所冇呢啲⋯」
佢:「咁嗌最大嘅嚟」
我:「你等吓啦,你一陣都會見到佢⋯」
佢:「等幾耐呀?」
我:「如果排第三嘅乜小姐未返嚟,你就等多八個,返咗就等多九個。」
佢:「我唔係講等睇醫生呀!我要見最大嗰個呀!」
我:「即係醫生⋯有乜投訴有乜建議一次過入去講埋啦」
佢拍枱:「等得嚟火都熄啦」

衰鬼,咪咁心急啦~

 

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×