8216

米米因為摺耳基因問題浮現,所以最近每星期都要去診所報到。
我最近都好喜歡拎個全透明無死角寵物箱去運送米米出入,所以街坊鄰居都會見到佢嘅靚樣~
於是…
我入LIFT後,有位叔叔見到米米。

20171223 8216 001 1

 

佢問我:「佢係咩品種嘅貓呀?」
我:「應該係摺耳卦,我都唔係太清楚,因為收養返嚟嘅。」
佢點點頭:「哦~摺耳呀?」
我:「嗯,可能就係因為有摺耳基因,所以佢骨骼有問題,佢今日出嚟都係去睇醫生~」
佢:「我都有隻曼基」
我:「曼基都一樣有骨骼問題㗎喎?」
曼基貓都係基因突變嘅品種,唔好睇佢手短腳短就覺得好過癮好可愛,其實佢咁樣即係『侏儒』。同摺耳貓一樣,同樣承受好多關節同脊骨毛病。
佢:「我有朋友做住家繁殖,我嗰隻曼基都想交配繁殖呀,你呢隻仔定女嚟㗎?有冇興趣俾佢哋生呀?我哋可以夾吓?」
我交你個頭。
我:「吓?咪話咗曼基有骨骼問題囉?仲俾佢生?唔生好喎~」
佢冇出聲。
我:「生出嚟咪又製造一堆有病嘅小朋友,佢哋有幾痛你知唔知㗎?一世㗎,冇得醫㗎~」
佢冇出聲。
LIFT門開了,佢傍住牆身,拖著右腳緩慢的行出大堂…
呢位叔叔都係骨骼有事的。


收手啦你。你又好,你朋友又好,都唔好再做呢啲咩嘢住家繁殖啦…當幫自己積福啦~有啲嘢要還㗎。

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×