有位女士嚟到診所~

 20180412 8679 B01

佢問我:「姑娘呀?冇胃口食嘢可以點算呀?」

我:「睇個醫生先啦~因為都要知道詳細情況係點,你冇胃口食嘢呀?」

佢:「我個仔呀」

我:「幾歲呀?」

佢:「一歲咋」

我:「咁細個好少話會冇胃口㗎喎,帶佢嚟俾醫生望望呀」

佢:「唔方便呀」

 

小朋友睇醫生都會有唔方便嘅時候?我以為得女人經期嚟時先唔方便啫~

 

我:「但係冇胃口呢啲…你就咁講,醫生都唔知咩事㗎喎,有可能要檢查㗎」

佢:「佢冇胃口咗幾日㗎啦,冇食過咩嘢㗎啦」

我:「幾日啦喎,好快啲帶佢嚟啦,唔好拖啦」

佢:「我見佢又唔係冇精神嗰隻,對眼都仲好精靈有神呀」

嚟,你嚟望埋我對眼,我俾個機會你感受吓眼神死。

我:「佢冇食嘢都已經對佢唔好啦,聽我講一次咁多啦,帶佢嚟睇醫生呀」

佢:「唔睇會點㗎」

個仔係你嘅,點解我係外人都好似緊張過你嘅~

我:「小朋友得嗰一歲,佢有好多嘢都唔識講出嚟㗎,例如佢有邊度唔舒服,佢都唔識講你知,佢都可能淨係一味喊同扭計㗎咋,所以做大人嘅要留意佢有冇咩特別反應。佢唔肯食嘢幾日都已經唔正常啦係咪?」

佢:「佢冇喊冇扭計喎,識喊㗎咩?佢扭計係點㗎?」

你係佢阿媽,我點知佢點扭啫~

我:「你話佢唔食嘢嘛?」

佢:「係呀,平時我放滿一兜糧俾佢,晚晚一返嚟都會清晒,呢幾日仲有剩呀」

我:「…...」

佢繼續講:「剩咗…我諗六分一左右啦!」

嚟,你再望真啲我對眼。

我:「小姐,你講嗰個仔係貓定狗呀?」

佢:「貓囉」

我:「我哋西醫嚟嘅,淨係睇人,獸醫嘅呢頭冇喎,你要去遠少少問啦」

佢:「吓?唔問得㗎?」

我:「我哋淨係睇人嘅,動物嘅我哋醫生幫唔到你啊」

女士翻翻白眼離開診所。

 

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×
來讚一個好吧!!

ParentingHeadlineLOGO