9029

糯米雞足一歲了~係我期待又擔憂嘅歲數。

20180709 9029 B01
因為佢係時候要絕育,佢初初返嚟時,我哋一直諗:「佢會唔會喺一歲前就瓜咗啊」,只係抱住邊養邊打算嘅態度去看待『絕育』。到就快一歲時,我哋又怕『佢捱唔捱得過』,諗諗吓就覺得不如唔好絕育算,反正佢都成世著住塊尿片搞唔出啲乜事~

 

不過上天總係特別喜歡玩鬼我,我哋發現佢有隱睪症了。佢嘅蛋蛋似乎只出到一粒,另外一粒我哋摸唔到喺邊。隱睪症即係睪丸生咗喺唔應該生嘅地方,粒蛋蛋不見天日收埋咗唔知喺邊,呢個情況下不正常嘅睪丸日後好易成為腫瘤,所以係必須開刀搵佢出嚟。即係我哋冇得揀絕唔絕育,係必須要做,仲要越早越好~


擔心就一定有㗎啦,因為要開刀,喺腹腔位搵返粒蛋出嚟,代表要全身麻醉了。做手術前,先為佢抽血驗身,睇吓合唔合格。報告顯示各指數非常靚仔!雖然糯米雞而家已經比以前強壯好多肥好多,但係我怪獸媽媽嚟㗎嘛~都仲係好驚好擔心呀大佬。仲要做手術前一晚開始禁水禁食,陰公雞啦!你頂唔頂得住呀?
另一樣擔心嘅係佢絕育後變得更肥更漲更好胃口…我家一班女已經係例子。個個絕完育都肥至少一個碼嘅…係咪因為絕育後知道唔再需要吸引異性,人生冇晒戀愛啪啪啪目標,所以個個都大放縱啦?

 

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×
來讚一個好吧!!

ParentingHeadlineLOGO