9473 00

一名6歲女孩家長曾經問:「我個女返咗學成幾個月都仲喺度喊,又唔識得去交朋友,係咪分離焦慮症?安全感不足?有咩可以即刻幫到佢?」

我:「孩子要改變嘅,係植根喺內心嘅信念,係需要花D技巧和同功夫,而最重要係需要時間。可先評估,再進一步針對性處理問題。」

 20181107 9473 B01

結果女孩確診患上焦慮症,並開始接受治療。在治療室內,女孩在沙盤遊戲過程中,利用不同玩具,開始說出內心故事。其中有一節,她在沙盤內的一角放了很多蜘蛛,並且用幾架巴士,把牠們堵塞起來。

女孩:「佢哋好恐怖,爬出嚟四圍破壞,我要用巴士阻止他們入侵。」

 

蜘蛛,在心理學上潛意識的象徵意義,有機會是對於母親的感情投射。這女孩呈現出自己受到蜘蛛威脅。她的問題並不單只是安全感不足,而是要被拯救。需要解決問題的迫切性,及準確度更加嚴峻。

 

家長說:「我成日陪佢,又教佢做功課,又帶佢周圍玩,又有pillow talk 教佢做人道理,已經廿四小時冇收工,點解仲感到安全感不足㗎?」

我:「我哋要接受,有啲小朋友的確比別人需要多啲安全感。而且呢份感覺,純粹由小孩子嘅觀點角度出發,並唔代表家長真係做得唔足夠。雖然家長已經覺得「足夠」,但只係由成人角度出發,而偏偏孩子覺得仍然「不足」,就係小朋友嘅內心真實感受,呢個就係矛盾嘅成因。」

家長說:「咁佢即係覺得我仲唔夠愛佢?」

我:「都有可能。」

家長說:「佢係我個女喎,我有乜理由唔愛佢?」

我:「一段安全依附關係,係需要刻意經營嘅。」

然後一片沉默。

女孩在治療室一邊接受治療,母親也在這邊廂努力學習經營安全依附關係的技巧。

兩個月後,女孩在沙盤內的故事不同了。

20181107 9473 B02

女孩:「呢個城市開始建設緊,呢度起咗一個電塔,呢度就引入食水,啲觀光巴士仲上緊山頂添。」

沙盤內的同一個角落,由原先一群具有威脅性的蜘蛛,現已轉化成為電塔,食水池,為城市建設注入動力。

巴士,也再不需要變成牆壁和蜘蛛對壘,開始出發上路了。

 

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×