2019-12-10, 週二

【甘寧老師】何謂失金?

里約奧運會今晨閉幕,各個媒體爭先恐後咁出文分析點解中國今年表現咁差,雖然我就唔係好明有咩好分析,簡單嚟講咪又係因為「技不如人」,不過今年奧運聽得最多嘅詞彙就一定係「失金」。

 20160822 4412 a1

首先我唔係好理解,一樣唔係自己嘅野點解可以用「失去」嚟形容咁厚顏無恥,你未拍拖又何來分手呢,完全唔合邏輯!

係我角度嚟睇今年中國輸嘅並唔係金牌咁簡單!連風度,體育精神都輸埋。

首先,係一開始連自己國家嘅國旗都出錯果陣,已經樣衰左,跟住落嚟嘅孫楊禁藥事件更搞到滿城風雨,面對其他國家選手質疑,回答唔得體都算小事,其後更不幸地入唔到決賽,總總事件串連起來,不禁令人懷疑孫有心輸比賽嚟逃避決賽血檢,最終都證明唔到自己係清白!

 20160822 4412 a4

而大部分內地網民嘅回覆令到事件更加肉酸,除左用一d無人明嘅英文係人地到洗版,引起連串笑話之外,思維更加係錯晒!

我唔評論到底係咪「全世界都針對中國」啦,不過有人質疑自己國家有人食禁藥果陣係咪應該去證明自己冇,而唔係抱住一個心態:你地外國仲多人食啦,係要針對住我。

 20160822 4412 a2

其次,奧運會雖然主張嘅係運動精神,但大家都明白係國家之間嘅軟實力較量之一,我諗全世界得中國媒體會做呢種傻事,獎牌榜比人超越固然唔好受,但有乜理由係自己個官方Twitter到打句「You kidding me?」嚟表達自己不滿嘅情緒呢?講到人地英國好似唔可以超越中國咁,小器到極!

睇奧運其實唔一定要支持自己嘅國家,可以係支持場上每一位努力付出過嘅運動員!大家千奇唔好比d媒體洗腦,用返一個符合運動精神嘅心態去觀賞每一場賽事,你會睇得更開心更投入!

圖片:bbc news & 網絡