2019-08-25, 週日

【甘寧老師】想學生有批判能力 但又限制思維

禁「獨」風波一浪接一浪,早前有學生係校外派發宣揚港獨信息嘅單張,此舉觸動左天主教香港教區神經,馬上表示自己立場堅定,認為香港是中國不可分割的一部分。

 20160902 4528 a2

圖片:FACEBOOK

港島區名校嘉諾撒書院於今日發出上述家長通告,內文重點強調天主教香港教區認同香港是中國的一部分,且不鼓勵學生參與政治。

首先我絕對唔希望類似宗教團體公然表達自己政治立場,而呢封所謂家長信其實只係暗示與「港獨」學生割蓆,但同一時間又話希望培養出一班有勇氣、懂得批判和評估社會現況的公民,係唔係姐係話要同教區一齊認同香港是中國的一部分先係「懂得批判和評估社會現況的公民」呢?

20160902 4528 a1

圖片:Bryan Leung

「本校不鼓勵學生參與政治活動」、「家長能從旁作出指導」、「必須遵守校規」、「不代表本校立場」等字句都係到暗示緊呢班學生嘅不是,只能夠話佢地唔識汲取教訓,有d野你越打壓反而越多人留意,「港獨之父」就已經係一個好好嘅例子!

思維從來唔係一樣可以輕易改變同打壓嘅野,與其做咁多無謂野,不如用呢d心機改變下個社會環境更實在。

×