2019-09-15, 週日

【盛夏猖獗】蚊同蠓

踏入五月,不少新聞都報導蚊患問題,既有大家關注的伊蚊傳播,又有明顯猖獗左的小黑蚊問題(蠓)。有議員更加親身捉蠓,幾日捉8000幾隻蠓,警示政府要做嘢。

【盛夏猖獗】蚊同蠓

圖片:網絡

家長當然唔怕被蚊咬,但細路仔被蚊蠓搞到周身痕,加上驚感染病毒,家長都幾頭痕。

喺度,先講下何謂蠓,蠓呢種昆蟲其實有數十個品種。喺福建和廣東,喺自然界捕獲的台灣拉蠓體內分離出流行性乙型腦炎病毒,據統計蠓還能傳播下列疾病:雞痘、馬癬、牛流行熱、非洲馬瘟、牛出血熱、禽類瘧蟲病、絲蟲病、馬腦炎、蘭舌病、卡他性綿羊熱、土拉倫斯病及引起牲畜的早產、死產、怪胎等。

【盛夏猖獗】蚊同蠓

 

雖然根據食物及衞生局現階段掌握到的資料,香港已知的品種中,暫時未有傳播嚴重傳染病或寄生蟲的紀錄,但潛在傷害仍有風險,受叮咬的小朋友的皮膚會有反應,例如痕癢、腫痛等,蠓叮吸人血,被刺叮處更有機會引起全身過敏反應等。

 

喺防治措施上,都係果句,清除積水同腐爛植物,疏通溝渠,堵塞樹洞,減少可供蚊同蠓歇息的地方。宜家人人講綠化,小小的盆栽枯葉正係溫床,大家要留神。

d驅蚊劑有標明可以防蠓,這些產品大部份含有DEET(避蚊胺),建議兒童使用避蚊胺的濃度則不應超過10%。不過家長就切記唔好對BB用,避免有不良反應。

×