2019-08-22, 週四

【美食展後分享】立體柑橘乾果超過癮

話說媽媽我早排趁美食博覽舉行,都到場趁下熱鬧,睇下有乜好嘢買下。由於媽媽我未生bb之前最多都係去電玩展,咁大個女都係第一次去美食展,所以事前毫無準備。

咁去美食覽博要有乜準備呢?就係要推車仔喇!因為原來展場入面大部分抵買嘅食材都係好重嘅,例如醬油、生果、飲品等。如果你唔推架車仔或者喼去裝貨,單憑一己之力,就算你有錢買都絕對無手拎!所以推車仔或喼去美食展,係要去過嘅人先會知嘅「秘技」。咁所以今次雖然我見到好多嘢都好抵買,但最後好多都無買。

淨係喺現場食咗好多嘢,同埋買咗啲我拎得到嘅零食,就好似呢個我喺美食展買嘅乾果零食咁。

【holiday-channel】立體柑橘乾果超過癮

呢款新西蘭Fresh As 3D立體生果乾同平時食開嘅生果乾賣相完全唔同,一般生果乾通常都又扁又皺,顏色暗啞,感覺好似放咗好耐咁。有啲生果乾仲加入好多糖,唔太健康。【holiday-channel】立體柑橘乾果超過癮

但呢款立體生果乾就非常立體,顏色與新鮮生果基本上無異,纖維仲清晰可見。

【holiday-channel】立體柑橘乾果超過癮

現場Sales話可以整到咁係因為佢地唔係用一般傳統曬乾或烘乾,而係採用先進凍乾技術,係極低溫下將水份抽乾,所以大部份營養得以保存,且不添加糖、防腐劑及人造色素。

【holiday-channel】立體柑橘乾果超過癮

加上百份百於新西蘭生產及包裝,品質監控及衞生程度絕對可靠咁話。

【holiday-channel】立體柑橘乾果超過癮

士多啤梨仲靚,好鮮艷!

【holiday-channel】立體柑橘乾果超過癮

咁事實上,佢啲乾果又真係幾靚同幾好食嘅!我當時係用推廣價買咗5包($18一包)。但就唔知美食展完之後,出面賣幾錢同邊度有得賣喇!

×