2019-08-22, 週四

【淘寶好物分享】十零蚊超靚360度花花口水肩

口水肩!可以話係BB必備之物,尤其係處於出牙仔期嘅BB,一日真係需要換上3、4條口水肩。唔買多幾條替換真係唔係幾衛生!

而BB界近期最流行嘅款式呢,就係今次介紹嘅360度花花型口水肩。係呀!BB界都有Fashion Trend架!

【holiday-channel】十零蚊買超靚360度花花口水肩

媽媽我最近就喺淘寶買咗好幾條新款嘅360度口水肩,唔好以為淘寶就無好嘢,事實上坊間有好多賣緊幾十蚊嘅360度口水肩都係購自淘寶,只要前事清洗乾淨,問題不大嘅。至於我買嘅呢堆口水肩呢,就只係十零蚊人仔啫。

【holiday-channel】十零蚊買超靚360度花花口水肩

媽媽我好喜愛呢兩條純棉紗布360度花花口水肩(14.5人民幣),可雙面使用,聲稱無螢光劑,感覺好舒適。

【holiday-channel】十零蚊買超靚360度花花口水肩

呢堆花花同星星型嘅360度口水肩(10.8人民幣),係新色新款嚟架,春日Feel呀!

【holiday-channel】十零蚊買超靚360度花花口水肩

點睇得出佢係新款呢?就係呢度,鈕扣位係有四粒架,可以調整闊度(舊款得平排兩粒鈕)。

口水肩之外,由於小兒超級「反瞓」、經常踢被,媽媽我就再淘咗一張防踢被。提到防踢被,好多媽媽都追捧「Hoppetta六層紗蘑菇防踢被」同埋「西松屋六層紗防踢被」,呢兩款日本進口嘅防踢被固然有其優勢,品質亦有一定保證,不過定價就略高一點囉。

因為小兒已不是初生嬰兒,相信其抵抗力應該愈來愈高(Touchwood)。加上媽媽我勇者無懼!唔怕中國製的會爆炸,所以就選購咗呢款來自淘寶店、只索價68蚊人仔嘅六層紗防踢被。【holiday-channel】十零蚊買超靚360度花花口水肩

雖然100% Made In China,不過外形設計無走樣,皇冠圖案我幾喜愛,質地都好柔軟吖。

【holiday-channel】十零蚊買超靚360度花花口水肩

膊位的扭扣都好光滑,無刮手呀。

【holiday-channel】十零蚊買超靚360度花花口水肩

單憑目測及觸摸並唔能夠驗證到防踢被是否採用六層紗,不過手感幾好呀,好厚實呀!親!

【holiday-channel】十零蚊買超靚360度花花口水肩

媽媽我真係有畀小兒用架,佢好似著得好舒適咁。當然媽媽我事前已徹底清潔並消毒乾淨張被,仲喺好天時曝曬過一輪!

【holiday-channel】十零蚊買超靚360度花花口水肩

另外仲淘咗兩條汗巾(8.8人民幣),畀小朋友「攝」喺背脊吸汗用。

【holiday-channel】十零蚊買超靚360度花花口水肩

一邊橫間紗巾料、另一邊係毛巾料。

【holiday-channel】十零蚊買超靚360度花花口水肩

最後睇下360度口水肩戴上頸係點樣啦!

【holiday-channel】十零蚊買超靚360度花花口水肩

我覺得呢條好靚喎真係,同埋佢本人應該都喜愛嘅,只係媽媽我影得耐佢唔多耐煩先咁樣望住鏡頭啫,無事嘅!另,有冇留意小兒件灰色夾衣?係媽媽我上次去Gap Outlet買架!都係幾十蚊咋!【1.5折激筍GAP OUTLET】http://bit.ly/2buty4X

最後溫馨提示,想淘以上貨品嘅媽媽,可以關鍵字Search「360度口水巾」、「寶寶防踢被」、「嬰兒汗巾」等字眼。另亦最好選擇有「天貓」或是有大量用家正評並附有實物圖回應的淘寶店,品質上會比較有依據。

×