2019-09-15, 週日

【好大呀!】超巨型羽毛球勁彈勁好玩

自從做咗媽媽之後,已經好耐無真真正正咁做過運動!早排睇奧運見到「超級丹」林丹同李宗偉果場羽毛球大戰,睇到個人好熱血!

好想即刻打返場羽毛球出返身汗,無奈本身技術欠佳加上手腳不協調,正常羽毛球完全唔識打!直至遇上呢個超巨大羽毛球之後,真係信心都即時返番嚟!

【holiday-channel】超巨型羽毛球勁彈勁好玩

早前去AEON諗住去童裝部掃$19.9一件嘅平貨時,偶然遇上呢對超巨大羽毛球,我心感興奮!立即將佢據為己有!

【holiday-channel】超巨型羽毛球勁彈勁好玩

唔好以為個羽毛球咁巨型就好難打,其實都幾輕幾易打,因為佢個頭好彈,所以即使初次玩都好易上手!

【holiday-channel】超巨型羽毛球勁彈勁好玩

而且由於個羽毛球巨型,球速相對較低、目標亦夠晒大,打嘅時候就唔使好似「超級丹」咁走嚟走去!

【holiday-channel】超巨型羽毛球勁彈勁好玩

最啱小朋友同我呢類唔多走得郁嘅媽媽一齊玩,是個完美嘅假日親子運動!

【holiday-channel】超巨型羽毛球勁彈勁好玩

真人示範,係咪好巨呢?WAKAKAKA

【holiday-channel】超巨型羽毛球勁彈勁好玩

堅係好巨架唔信你睇下!

【holiday-channel】超巨型羽毛球勁彈勁好玩

不過,留意返呢套超巨大羽毛球寫明只適合六歲或以上兒童玩,而且要有成人監護下使用。至於六歲以下嘅小朋友就唔好玩喇,因為佢話內有小配件(雖然我見唔到邊度有小配件)。

呢套羽毛球一套有兩個羽毛球拍同兩個羽毛球,售價係$89.9,我喺AEON感謝日買架!所以仲有95折!哈哈!

×