2019-08-24, 週六

【明慧隨筆】與兒子對話系列(一)

小朋友往往都會帶比你意想唔到嘅答案,點解你咁可愛!

Ev2

晚上洗緊碗時,阿仔走來掹住我衫尾.....

仔:媽媽,無人同我玩嘅,你同我玩好唔好啊?
我:媽媽要洗碗,洗好同你玩,好唔好?
仔:咁我幫你洗,咪快啲洗好囉!
我:係喔!乖仔!
仔:咁你俾對手套我啦!
我:淨係得大碼,無細碼,唔啱你對手用喔!
仔:(扮喊)咁點算啊?你咁辛苦洗碗,我又幫唔到你。

我......笑咗!!!哈哈哈!!!

早晨對話:

仔:媽媽,我踩死左隻蟲蟲啊!
我:唔好踩佢,可以趕佢走或者捉佢出去。如果你唔敢捉,叫媽媽幫你。
仔:我點都可以自己捉。
我:點解啊?
仔:因為驚你辛苦囉!
我:哈哈哈!

20161114 5181 k1

然後,砌左呢架車獎勵佢,因為小朋友係要有適當的表揚。

阿仔同舅父的對話:

仔:舅父,你一定要印呢架火車俾我!

舅:點解呀?

仔:我一定要㗎!如果唔係,我就咩㗎喇!
我和舅父:(好奇地) 你會咩啊?
仔:我就會叫你印多一次㗎喇!
哈哈哈!原來佢嘅威脅,係叫多你一次!!

洗好碗,問阿仔做好功課未:

仔﹕一早做好啦!不如我出啲功課俾你做好唔好啊﹖

我﹕好呀!唔好出咁難喔!

仔﹕好難㗎!不過你唔識,我會教你做。

我...心裡已經暗笑。

佢畫左16個格仔,要我寫16個「舌」字。

仔﹕你寫字啦!要全部寫曬!

我﹕媽媽寫好喇,寫得靚唔靚﹖

仔﹕靚,不過無我寫得咁靚。

我﹕唔係喔,我覺得好靚!

仔﹕咁你覺得靚,我覺得唔靚呀嘛。

我...頭頂有三條線,哈哈哈!

×