【細B命運該如此?】真係無書讀啦!慘

【細b命運該如此?】真係無書讀啦!慘 

小編個囡囡正正係細B,早前馬不停蹄四出帶她去面試,面試時其實都有少少心知不妙,因為阿囡都仲係好似咩都唔識,但大半年個啲小朋友已經對答流暢,又識得跟老師指示做,心諗唔會真係咁唔收我個女掛。

點知早兩日收到回覆,阿女第一輪已結落選啦!而家只能夠等到學校有空缺先會再考慮收唔收,其實都同個女考咗三間,呢間已經係第三間落選,一時之間真係覺得好徬徨,完全唔知點算好!當年唔係話唔想畀個女讀N班,但大家都知讀N班無資助,全部自費,動輒都話要幾千蚊個月,真係邊有咁多錢讀丫!結果唔單止輸在射精前,連條起跑線都輸埋,出年九月會唔會無書讀呀?陰功!

【細b命運該如此?】真係無書讀啦!慘

我以為自己見三間都唔收已經好慘,點知上網見到網友,見咗已經11間,但唔係Waiting list就唔收,仲話雖然細B係無大B識咁多嘢,但成件事好似變咗只有大仔先有機會揀,細仔就要等人揀完揀剩先知有無書讀,真係好慘呀!

如果阿女係11月或12月出世,都話可以等佢遲多一年先讀,如果係8、9或10月,都真係半天吊,唔知點好呀!我而家就只能夠等待一月,睇下有無機會「執雞」囉!

 

田叔叔英語閱讀計劃2023-24
田叔叔英語閱讀計劃2023-24
 親子最關注
香港優質教育機構巡禮 2024