話說我Hody Ma生完BB、坐完月後就另找新工作,近日剛復工不久,重出江湖果真有「仿如隔世」之感。工作上的轉變相對其次,最大感覺其實在於中午外出用餐之上!

由於Hody Ma是個乖乖的新手媽媽,自懷孕後已經甚少外出用餐,加上產後餵哺母乳,所以非常注意飲食。直至返新工後就開始每天到公司附近不同的餐廳用餐,雖然那些餐廳、飯堂大多質素平平,甚至有些可以用劣食來形容,但對於已吃了多月健康家常飯的Hody Ma來說,每天都感覺新鮮!

【親子飲食】原來香港茶餐廳有得飲筋肉奶茶

就於昨天中午與大夥同事前往一家以往常幫襯的餐廳吃中午飯,竟然發現新大陸!我唔知道香港原來有《筋肉奶茶》!我梗係即刻加錢叫返支飲下啦!(跟餐加HK$5)

【親子飲食】原來香港茶餐廳有得飲筋肉奶茶

均稱的肌肉線條與奶茶的「膚色」配合得非常完美,最抵死係凍奶茶接觸熱空氣令樽面散發「汗水」,真係睇到人地好肉緊!

【親子飲食】原來香港茶餐廳有得飲筋肉奶茶

背部同Pat Pat的線條比例都非常一絲不苟,細心留意可以發現呢支《筋肉奶茶》背部有中文字紋身架,不過唔係「貞忠報國」,係呢間茶仔個名!

 

就喺我飲緊奶茶嘅同時,我記起自己首次知道有呢個造型奶茶,係來自台南既《小鮮肉奶茶》,當時以為只有台南先有得賣。但無幾耐就有新聞講台灣的《小鮮肉奶茶》個設計其實源自日本的《筋肉奶茶》,有抄襲日本之嫌。咁我面前呢支香港製造的《筋肉奶茶》,究竟係抄襲還是致敬之作呢?我都唔清楚,個人認為味道一般,相比平常茶餐廳的奶茶,呢支《筋肉奶茶》奶味偏淡。

【親子飲食】原來香港茶餐廳有得飲筋肉奶茶

Hody Ma飲完之後冇變大隻仔,不過就留起咗個樽、仲沖乾淨,準備下次倒碗芝麻糊入去,等佢變「黑人」!

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×