2019-12-06, 週五

【今鋪你點睇】商場廁所禁止五歲以上異性小童進入

「地球是很危險的」相信是一眾香港家長都認同嘅事,尤其是自己一個湊住仔女,去廁所都擔心仔女比人拐咗去,於是唯有帶埋仔女入廁所。但男女始終有別,有商場廁所更標明不準五歲以上異性小童進入,到底又係唔係想像中咁唔好?

 20161121 5246 a1

小編翻查過相關法例,大家睇下政府對公廁方面係點規定先,根據《公廁(行為及舉止)規例》第七條,其實同呢個商場都一樣。

20161121 5246 a2

順便提提大家,更衣室同公廁亦大有不同,根據《公眾泳池規例》:

20161121 5246 a3

安全問題:

普遍嚟講,家長之所以帶仔女同自己一齊去廁所,都係因為唔放心仔女自己一個。雖然5歲以上小童都應該接近K3至小一,理應可以自己應付得嚟,但都難免仲要提防埋拐子佬同變態佬,因此家長呢種行為都情有可原。假如家長真係好好好唔放心,都仲有簡單解決方法,就係一齊去殘廁。

保護自己:

決定比仔女自己去廁所之前,一定要先教識佢地點樣保護自己,遇上壞人一定要識大叫救命,同搵人幫手。

子女先行探路:

家長遇上呢種情況,即使你好放心覺得仔女可以自己去廁所,都唔應該太心急,應該先等仔女去。原因亦都好簡單,話曬小朋友身高有限,未必每個洗手間都有符合佢地高度嘅設備提供,比仔女先去,假如佢地遇上咩問題都可以即刻同家長反應。

判斷小朋友行為表現:

家長決定比自己小朋友獨立去廁所之前,應該先分析仔女嘅行為表現。「太曳」或者好奇心驅使下,小朋友好多時會搞出「大頭佛」,例如洗完手,Fing手整濕其他人、周圍望其他廁格等行為都會影響到其他人,甚至一個唔好彩,遇上脾氣差嘅人,分分鐘即場幫你「教仔」你都唔知。

總括嚟講,小編認為商場呢個要求都唔係太過份,始終都會有其他人唔鍾意,覺得自己私隱受到侵害。而小朋友亦始終有一日要學識自己去廁所,真係太擔心嘅就唯有行多2步去其他地方或者使用殘廁!

不過日本係呢方面就比較無咁拘謹,有網民報料話部份日本女廁會好貼心咁設有小童尿兜,真係長知識了!

20161121 5246 a4

圖片截自網絡