2019-10-21, 週一

【男人湊仔】老豆自我隔離 媽咪哭笑不得

小朋友細過一定會周圍爬同圍搞破壞,亦都係因為咁,所以出現左地墊同塑膠圍欄呢兩大湊仔恩物,等爹哋媽咪可以圍住屋企重要領域,隔離班百厭星!

20161122 5574 A1

不過區區圍欄點阻止到呢班破壞神,相傳呢兩位小朋友一比圍欄圍住就會施展出絕招「喊出嚟」搞到屋企人都唔敢再用圍欄限制佢地!而當時唯一可以鎮壓到佢地嘅媽咪又出咗去買餸,孤獨無援嘅爹哋唯有自保,用圍欄圍住自己等候救援。

「圍欄保護我,圍欄包住我,爸爸躺平午睡阻隔小魔怪.......」

P.S.有興趣自己作埋佢,原曲好人-側田

20161122 5574 A2

日日返工老細淨係識開會,根本無做過野,唯有將d工作帶返屋企做啦,點知屋企兩位仔仔仲煩過老細。唔知係咪爹哋試完一次就返唔到轉頭,覺得圍住自己都幾有用!於是返屋企工作都嘗試圍住自己,免受怪獸仔騷擾。

小結:塑膠圍欄係老豆家居必備,前題係你間屋有冇咁大area。

資料來源:Wen Chen Tsai