2019-09-18, 週三

【可不可能還我自由】當眾瀨尿 小學生落堂都唔去得廁所

唔知大家有無試過打一d客服電話查詢事項呢?步驟係極為繁複,由第一步廣東話請按一字到最後終於有人接聽你電話果陣,已經搞咗唔知幾耐!你有無諗過一班小學生落左堂想去廁所,都要同樣地做繁複嘅步驟等老師批准先去得,會發生咩事呢?

 712

由於很重要所以我要說三次「係落堂之後、落堂之後、落堂之後」想去個廁所點解都要得到老師批准!呢件事就要問問廣州水蔭路小學嘅劉老師啦。大家都知內地學生要戴紅領巾返學,但三年六班同學就似乎成日唔記得,所以令佢地今個星期拎唔到「流動紅旗」(可視為一種鼓勵,達成目標嘅班級先至有),劉老師身為班主任當然唔高興,所以家長懷疑老師因為呢個原因所以懲罰全班男仔落堂都無得去廁所,不過劉老師事後就話係因為發現男同學係廁所玩「除褲」遊戲,不過校方未能證明呢個說法屬實。

20161230 5648 A2

據家長所言,三年級六班嘅同學仔,落堂之後必須坐係原位上不準走動,想去廁所仲必須向班幹部申請,然後班幹部上報,班主任審批同意後才至可以分!批!去!

呢項懲罰由12月12日直至今日事件搞大咗左先至停!當中唔少家長都好嬲!話個仔一返屋企就衝去廁所話忍左一日。

708

更有部分同學仔忍唔到當眾瀨尿,嚴重傷害小朋友自尊心!

709

咁忍法分分鐘仲影響身體,罰還罰都唔好搞呢d啊嘛。

710

事件被揭發後,校方已經將劉老師停職!不過相信一班家長都唔希望自己仔女再比劉老師教。

20161230 5648 A6

不過大家唔洗擔心,涉及劉老師擔任嘅班主任及語文教學工作將由另外兩位經驗豐富嘅老師接替,保障班級教學同管理工作不受影響。依家班小朋友有廁所去,堂又可以好好上,真係恭喜恭喜!

參考:澎湃新闻

×