2020-09-20, 週日

【情人節】根據非正式統計 送淘寶貨無好下場

又到咗一年一度嘅情人節啦,今日返工有冇見到好多單身女同事有花收呢?而老夫老妻嘅你地又預備咗咩禮物比對方呢?不過係到比個忠告大家,千祈唔好網購Cheap嘢比另一半啊,唔係就會好似以下呢位男士咁。

20170214 6080 a2

試問聲有邊位女士可以抵擋到鑽戒嘅誘惑,不過我依家未有錢住,買住呢套80mm透明普通鑽戒+錦盒頂住先(個名唔係我作架,真係叫呢個名)!他日我事業有成,一定會送真正嘅鑽戒比你,等我啊女神。到底窮小子追唔追到女神呢,我地繼續睇落去。

有買過淘寶嘢嘅人都知,買完之後店家都要你留個五星好評再打下感想咁,而呢位窮小子就大讚鑽戒質量好!女神收到呢隻求婚戒指之後諗都唔諗直接扔返比我,擲中我塊面,不過呢個唔係重點,雖然我塊面腫咗少少,但個鑽戒咩事都無!親,實在太棒了

20170214 6080 a1

不過唔好以為送花就實無死,「單身狗」最忌有自信,追都無追過人一嚟就送花,或者自己會錯意,通常下場都同買淘寶鑽戒差唔多。

20170214 6080 a01

見到呢種情況唔好驚,你可以先睇下周圍多唔多人,唔多嘅就快手執咗佢借花敬佛!無女朋友,無老婆都唔洗驚,仲可以兩手價放出去,如果你話我傻嘅,我只能說「少年你太年輕了」,幸福係可以傳承嘅。

20161229 5643 a1

 

相關文章:老公婚禮送99玫瑰 老婆上網放售