囡囡返學畀人蝦,多番向學校投訴消息又石沉大海,自己用錄音機塞囡囡書包蒐證,又畀校方反控「監聽他人談話」,罪成有機會要坐5年監…真係好無奈!

美國Norfolk一名婦人Sarah Sims因為懷疑9歲囡囡係學校受到欺凌,向學校反映問題後又遲遲未有改善,愛女心切嘅Sarah決定將錄音機塞入女兒書包蒐證,估唔到呢個舉動反而令佢被告返轉頭!

 20171201 8095 B01

據悉,Sarah之前已就囡囡受欺凌問題,多次向學校反應,但無論透過電話定電子郵件投訴,問題都一直未見改善。今年9月,Sarah將錄音機塞入囡囡書包,打算自己蒐證,希望可以錄底證據。估唔到學校發現之後,竟然調轉頭指控Sarah「監聽他人談話」!如果罪名一旦成立,Sarah恐怕要面臨最高5年有期徒刑。

 

Sarah認為咁樣完全唔公平,因為成件事明明係學校對此置之不理,佢才要出此下策,更一度話指:「如果唔係咁,我仲可以點做?我感覺自己被羞辱。」對此,一名學區長官出面指出,話學校入面裝設錄音設備係被禁止嘅。

 

圖片及資料來源:The Telegraph

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×