【均一價$12】那些年的經典玩具

其實我哋細個淨係得啲玩具仔玩，好似「換衫洋娃娃」、「釣魚仔」、「七巧板」類小玩意都可以玩大半日，諗返都好開心呀！唔一定要買貴價玩具先代表愛錫子女嘅！

日前就於AEON荔枝角店地下發現大量那些年的經典玩具，無論是男孩子鍾情嘅水塑膠彈射箭玩具，或是女孩子最愛嘅變身棒、換衫公仔玩具都一應俱全！

會發光發聲的變身棒，超靚！

 

最吸引係，全場玩具均一價賣12蚊！

Barbie平極都要百幾蚊一個，呢度嘅洋娃娃一樣可以玩換衫，都係12蚊！

經典七巧板玩具，不過呢款好似得5塊板？！

呢個ECHO MIC先正！真係有回音架！唔使下下買3百幾蚊嘅唱K神器先唱到歌架嘛！12蚊一樣得！

適合4歲以上小朋友的益智玩具系列，都係12蚊！

呢個MINI畫板細細塊，方便小朋友周圍帶住畫！有幾個款同幾個顏色選擇，又係12蚊！

呢個射箭玩具有兩種玩法，可以彈波又可以彈出塑膠彈，好玩！

沖涼時最好就玩呢類釣魚玩具啦，唔怕小朋友驚水唔肯沖！

早排喺小朋友界好流行嘅橡皮筋手飾套裝都有得賣！

好動嘅小朋友可以買呢兩款JUMPLING ROPE玩跳繩！

識游水嘅鴨仔又係陪沖涼嘅好玩伴！

Bubble Shooter！郊遊必備玩意！

切切刀系列有多選擇，全部12蚊！

超經典士多吹吹膠 (唔食得！) 一包12蚊有4支！

我自己見到以前成日喺士多仔買果款1蚊一小支嘅吹波波膠都好想玩！當然，而家就梗係唔係賣1蚊支咁平啦！不過貴極都係12蚊，12蚊買到開心回憶、又可以同自己仔女一齊重溫那些年，我覺得好抵呀！

地址：AEON荔枝角店地下