【睇少陣都唔得!】台母露台傾公事 3歲囡囡屋內「拆屋」

全職媽媽唔易做,就職媽媽就更加係蠟燭兩頭燒,台灣呢名就職媽媽日前就於Facebook Page「爆怨公社」中發文透露,指自己近日收工返到屋企,仲要同客傾公事,因此留咗3歲囡囡係房內,自己出咗露台傾咗逾25分鐘電話。

 20181231 9669 B01

傾完電話,呢名媽媽離開窗台、諗住入房睇個囡時,發現屋企畀賊入過咁款!客廳、臥室、廚房無一幸免被翻箱倒櫃,物品散落一地,無論是化妝品、衣物等通通一地都係,令佢都睇到呆哂。

 

佢問囡囡點解要咁做,囡囡話佢要搵糖食…而經過檢查,囡囡真係排除萬難搵到包收埋咗嘅糖,食到一粒不剩…令呢名媽媽欲哭無淚,直呼:「我是個有潔癖的人⋯⋯有媽媽受虐專線嗎?可以提供給我嗎?」好多台灣網民感慨:「理智線瞬間斷了」、「這場景⋯⋯⋯⋯需要冷靜一下」、「我女鵝也是這樣氣到命剩一半了」

 

不過,都有網民勸戒媽媽,小朋友呢個舉動需要管教,其次建議媽媽即使再忙,都盡量唔好畀小朋友離開視線太耐,即使要係露台傾電話,間中要留意住屋內情況。

 

圖片及資料來源:Facebook Page「爆怨公社」

田叔叔英語閱讀計劃2023-24
田叔叔英語閱讀計劃2023-24
 親子最關注
香港優質教育機構巡禮 2024