【大肚婆專利?】港鐵霸位等老公上車有位坐

但孕婦可以霸多個位我就真係唔知道!斷估唔係新嘅關愛措施咁屈機卦?!話說網上正在瘋傳一單「大肚婆於港鐵霸位事件」,孕婦自己本身已經有個位安安樂樂咁坐緊,但就用手袋霸埋隔離個位,當事主坐近該座位示意想坐之際,佢就話:「有人呀!」Wow!好大嘅官威呀!

【親子頭條】港鐵霸位等老公上車有位坐

詳細情況可以睇以下原文內容。

【親子頭條】港鐵霸位等老公上車有位坐

原文如下:

真心想討論一下搭港鐵應有嘅態度
是咁的,頭先放工搭港鐵打算返屋企,紅磡總站上車,普通等太多人,咁諗住俾貴少少坐頭等,可以坐下休息下啦!
行到入車箱行埋圖中放左手袋嗰個位旁邊時,我就同呢位女士講左聲「唔好意思!」示意想坐低,跟住佢好似講「有人!」不過我聽唔清楚我就「吓?」左一聲,佢再㩒住個袋話「有人呀!」
我以為自己聽錯就話「吓?有人?」跟住望下周圍,其實都冇人準備行埋黎坐,不過我都諗住坐左另一個位咪算囉!
點知佢一直都用好討厭嘅目光啤住我,直至架車去到旺角東,佢電話裡面通話中嘅老公上車,個男人行埋個位之前仲有個阿嬸想坐落去,不過俾佢 啤走左!
就係咁,全程車佢都西口西面啤住我,佢老公係咁搓佢個肚問佢乜事 佢話冇野!好嬲咩?
其實我想話我都好嬲囉!我都俾足車費搭車架囉! — 覺得超不爽。

好喇!睇到呢度,如果事件屬實,大家覺得點呢?

早排大家對港鐵增加關愛座呢個措施已經議論紛紛,今次對於呢單「大肚婆於港鐵霸位事件」又有咩睇法呢?我本人就無眼睇喇!

田叔叔英語閱讀計劃2023-24
田叔叔英語閱讀計劃2023-24
 親子最關注
香港優質教育機構巡禮 2024