【人類總是......】網購又出事 比錯貨但要客人負責

無錯,今次出事嘅又係Baby Shop美國入口嬰兒用品專門店,間嘢已經出名到比人報曬海關仲開埋「聲討Baby Shop 美國入口嬰兒用品專門店」專頁!都仲依然長做長有,再一次見證香港人核心價值嘅利害。

相關文章:媽咪中伏大鬧「黑店」 網購拖貨又唔回水

香港地做生意不停請著D蠢人,呢間舖都唔例外!說話呢位媽咪就係上述網購到買咗兩個行李箱,諗住細細地方便出Trip,於是貨到咗就叫爸爸去拎貨啦!由牛頭角辛辛苦苦拎到返元朗嘅屋企,職員隨後告知比錯貨,依家呢個款係Size大少少,要貴$100,仲要客人自己送返返去牛頭角!天啊,世界發生咩事。

20170223 6155 a1

先唔講要個客由元朗送返去牛頭角個車費分分鐘都過一百(如果的士),最大問題係你做錯嘢,點解要客人負責?最搞笑係當個客話表明佢地可以叫速遞到元朗上門收番2個行李箱, 但唔會再搬去牛頭角! 個職員竟然突然生返個腦出嚟答「 咁D費用仲貴過$100!」,我好感動佢終於知個問題係邊,但搞清楚客人坐車過嚟都係同樣問題,你醒下啦聰明豆。

20170223 6155 a3

(媽咪投訴文章摘錄)

件事到宜家都仲未解決,而呢位媽咪更呼籲大家唔好再幫襯佢地,不過我知道是沒有用的,只要夠平,依然會一大堆人搶住去買,繼續捍衛香港人核心價值!

筆者仲係聲討佢地嘅專頁入面,發現其他苦主個案,發現佢地嘅做生意手法真係「黑」到冇朋友,害完人仲唔退貨真係令我大開眼界。

20170223 6155 a2

圖片:網絡截圖

田叔叔英語閱讀計劃2023-24
田叔叔英語閱讀計劃2023-24
 親子最關注
香港優質教育機構巡禮 2024