【會員有禮】送樂園門票玩盡「迪士尼明星春日嘉年華」

最矚目嘅一定喺「迪士尼明星嘉年華列車」，一眾迪士尼明星換上春日新裝，聯同超過30 位迪士尼明星及接近50 位充滿活力嘅表演者為大家呈獻全新巡遊。

我地率先同大家睇下三至四月喺會客室同大家見面嘅迪士尼本月之星！唔少得最近真人版電影上映嘅《美女與野獸》貝兒公主同野獸，另外仲有《木偶奇遇記》嘅小木偶皮諾丘同蓋比特，《沖天救兵》嘅羅小飛、卡叔同阿德。

茶煲太太同仔仔嘅「花蛋」實在太 Cute 喇！到底收埋喺咩地方？！（細細聲話你知：喺幻想世界！）

睇到呢個 PANDORA 串飾系列，相信大家都估到今期主題商品喺《美女與野獸》！

除咗一系列嘅玩具、擺設，仲有全新設計嘅公主系列服飾，囡囡去完迪士尼樂園，屋企又要添公主裙喇！

「春日百薈美食」唔可以唔提嘅喺幻想世界「皇室宴會廳」，新推出嘅春日套餐非常精緻！貝兒公主同野獸在碟上共舞，另外仲有大人小朋友都愛嘅公主Cupcakes！

由即日開始，天星海港遊每天都有航班來往香港迪士尼樂園同尖沙咀天星碼頭，由市中心去迪士尼碼頭航程只喺45分鐘，回程就約1小時10分鐘，航線仲可以欣賞到「鐵甲奇俠飛行之旅」中飛行路線嘅景致。
想參加「迪士尼明星春日嘉年華」，同過百位迪士尼朋友歡度春日嘅你要留意喇！只要成為親子頭條會員，填妥表格並回答一條簡單問題，我地將挑選 15 個最有心思嘅回答，將香港迪士尼樂園門票送比你地！

名額：15 set（每set 有3 張香港迪士尼樂園門票，咁就可以一家大細去玩啦！）

*進入香港迪士尼樂園受樂園規則約束，有關樂園規則已列明於樂園網頁www.hongkongdisneyland.com及印於樂園指南。

*樂園門票不得轉售。

如無法顯示，請由此進入表格:

https://goo.gl/forms/jttPPsNPx8ZbRvF22