
【送BB車】PN 媽實試韓國 Capella 新款嬰兒車
今次換咗呢架車之後總算係有驚喜,而且可以真正咁同老公講「真係最後一架車啦!」
先講講,呢架NEW BORN 款嘅BB車係 Capella 最新型號Wi-Lite S-201。架車標榜係「高眺輕量闊身型」,只係重 4.5kg,可以由初生坐到3歲,岩晒我呢個手無臂力嘅呀媽同個大大件嘅女。
佢呢個型號有三個色,但對我嚟講,最吸睛既係綠色,感覺似湖水綠,佢再配左個灰色座墊,唔會咁吸熱得黎又唔會咁易邋遢。
Wi-Lite除左有非常吸引嘅輕量車身(4.5kg)同雙向手把之外,仲有幾個位我都幾BUY嘅,一齊黎睇下實試情況!
1. 又高又闊的座椅
呢一款高景觀的BB車都係第一次試,以前呀女出街唔太鍾意坐車車,係都要人抱。但用咗呢架車之後,竟然一叫就上車,唔知係咪因為座椅高左隻腳仔無咁易掂到地下,定係坐高D可以睇到多D嘢呢?!
見呀女而家坐車成日指手畫腳咁,又坐多咗,唔洗好似以前咁下下扭抱,我都可以無咁辛苦。仲有,呀女本身都唔叫細隻,而家坐咗落去,左右都仲有位比佢郁黎郁去,梗係舒服啦,而家LIKE坐車多咗,有時番到屋企都唔捨得落地TIM。架車咁濶,真係可以坐到3歲。
2. 玩到攰一攰「雙向、平躺」就最爽
每日去完街街再到公園放電就唔少得,一玩完上車無耐就會好快就瞓咗。之前架BB車無平躺,所以每次見到呀女坐喺度瞓嘅時候都覺得好慘咁。
而家有咗呢架車就唔同晒,可以舒舒服服咁平瞓之餘,就算架車左右移動都好,都唔會因為左右兩邊搖時撞到個頭。喺椅背一拉就可以較成平訓,唔完全放晒都無問題,自由調較個角度。
用埋雙向功能,夾埋架風扇仔,我見到都想瞓埋一份。
下面仲有個位置可以拉出嚟加長個座位,令小朋友嘅腳仔唔再吊住黎瞓。
3. 四輪避震 + 大大個置物籃行走依然順暢
上次朋友見我推呢架車,講咗句:「架車單輪無咁好推同咁穩陣架。」但我用落呢架單輪車又唔多覺有呢個問題,比我之前用個架雙輪車好推咗,推落都叫幾順同容易轉向,可能佢車轆都夠大啦。睇埋上圖,下面個置物籃咁大個,SHOPPING同買餸時都輕鬆好多。
架車個座位雖然濶,但係車身竟然係出奇地窄身,出入商場既門口,閘口都好 easy。
其實呢架車仲標榜咗四輪避震,個人推嘅感覺都算係避到震,因為呢架車推起上黎唔會左右搖晃,行過D凹凸不平既路面都唔怕震醒呀女,而且無咁容易ZIP落罅隙,更唔似朋友架車咁每次推親都好似就黎散開一樣。
唔係講笑,連爸爸都話架車好推,上啲稍為高少少的級仔時,都好輕鬆上咗,整體感覺唔錯咁話。
4. 好車必備嘅5點式安全扣
之前睇新聞話有BB車比車撞到,真係嚇到一額汗,聽聞就係靠一條5點式安全帶保住個BB,咁Wi-Lite呢架車都有呢條5點式安全帶。
5. 單手開合
作為一個普遍嘅港媽,唔會下下都有個工人姐姐跟出跟入,成日都要自己一個帶住呀女出街買餸,上落巴士同樓梯級。一個人得兩隻手,要一隻手抱住呀女既時候,就只係得返另一隻手做其他野,所以一架可以單手開合既BB車係非常非常非常重要!
6. 價錢實惠
以初生BB車黎講,Capella Wi-Lite S-201呢個價錢絕對係有驚喜,千幾蚊就有啦,前個排行過AEON都係賣緊 $1,575。
了解更多Capella 最新Wi-Lite S-201型號及其他產品資訊:
Facebook: Capella Hong Kong
Instagram: CapellaBaby
今次的活動中,好多的爸爸和媽媽的分享都好特別,而且好感動,而本次的幸運兒是以下3位,齊來欣賞。
第 1 位:
第 2 位:
第 3 位:
他們分別是:
得獎者於這個星期內會收到電話通知!今次唔係你唔緊要,緊貼《親子頭條》陸續送大禮!
-
藝術就是生活!一直以來,香港普通話研習社科技創意小學(科小)深信藝術是日常生活與校園學習的一部份,因為生活有藝術的元素,所以在「身、心、靈」上會得到滿足,生活亦因此有幸福感。13 hour ago
-
香港中央圖書館玩具圖書館採取「閱.玩 越好玩」營運方針,每個季度都會構思不同的主題布置圖書館。經小朋友票選後,今季以「走進沙漠」為主題,特選繪本為《阿拉丁神燈》,更推出5個相關遊戲,來一個沉浸式閱讀體驗。1 day ago
-
天瑜在2020年做手術時發生醫療事故,不幸變成植物人。天瑜父親故開設「天瑜醫療事故關注組」Facebook專頁,持續更新天瑜情況。近日天瑜因臉部經常紅腫而需前往瑪麗醫院兒童深切治療部留醫,昨日天瑜爸爸指她精神不錯,於是拍片分享天瑜情況。1 day ago
-
部分家長因子女難以適應全日制課堂而束手無策,《親子頭條》就特地訪問了10位小學校長,分享全日制復課的實用貼士。在上篇分享了5位校長的建議,今篇則分享另外5位校長的意見,了解各校的相關安排,以支授學童適應全日課時遇到的時間編排或情緒問題。1 day ago
-
患有子宮腺肌症的孫慧雪近日公佈懷上2胎,鼓勵不少同樣想懷孕但受此病困擾的女士。究竟子宮腺肌症患者懷孕風險如何、又可以痊癒嗎?今次便找來婦產科醫生李閏婷為計劃懷孕的準媽媽解答以上問題!2 day ago
-
於1月27日,旺角區少年警訊與香港警察樂隊合辦的「樂韻警聲展新途」(Project Launcher)先導計劃,於銅鑼灣警官會所舉行啟動禮。2 day ago