上回講完行開AEON荔枝角店地下發現大量那些年的經典玩具,其實仲未完架!因為行過兩步就發現更令人激動嘅產品!就係糖果喇!
呢度嘅糖果非常「熟口熟面」,但並唔係平時超市或者夾軟糖店見到嘅糖果 (利申:夾軟糖店我都好喜愛),佢哋係我小學時日日都喺學校小食部、士多仔見到嘅糖呀!仲要係用果啲透明膠盒一個一個咁疊起擺放,真係好懷舊呀!
有乜糖選擇?一齊睇下!如果你都認得「佢哋」,證明你都有返咁上下年紀喇!
三種口味嘅吹波膠呀!同以前個包裝一模一樣架!
迷你可樂糖,售$2.9!好懷念!
三種口味嘅粉糖,你哋細個有冇食過?售$2.9
呢盒又係好經典,入面係用紙卷住架!
煙斗朱古力豆,售價$3.5
呢個Mic真係好正呀!同細個果陣玩果個一樣架!食完入面啲糖仲有得玩!