【平過上次】Page One又開倉今次5折

似乎係因為上次嘅貨清唔曬，所以今次再加碼所有貨品低至5折！比上一次更平！不過，上次就係因反應太熱烈，而要管制人流需要臨時派籌，同時又無通知，搞到粉絲去到先發現攞唔到籌無得買，簡直怨聲載道！

咁今次開倉情況又點呢？根據其官方Facebook資料顯示，今次開倉於今日中午12點正開始，所有貨品以低至五折優惠發售。(指定貨品除外)，除此之外，顧客購買精品系列貨品更可享有額外優惠，包括全場精品以低至四折發售；正價HK$100或以下精品，任選三件HK$100；正價HK$200或以下精品，任選三件HK$200。

我馬穎頭先就準時12點去到，睇下今次咩環境！

2月6日12點到達開倉現場，無乜人！

精品類齊整擺放好！

 今次同上次6折開倉嘅頭一日一樣，人流唔多，亦無需要拎籌！貨品方面就同上一次有些微分別，精品比上一次少，但就非常騎呢咁多咗床品、衣服。

Christy床品應該係貴價品牌，大家識唔識？床單、羽絨被2.5折，毛巾就全部6折，摸落質地好厚實呀，親！

同上次一樣，一片書海，今次全部照價5折(職員稱最終售價以收銀機顯示銀碼為準)

書，全部都係書！當中以英文書為主，只有極少量中文書。

食譜係最受歡迎嘅書籍之一，所以放喺當眼處。

精品類明顯比上次6折開倉時少咗選擇。

但細心揀下都不乏好東西。

呢部相機仔原價$988，今次折咗只須$295.2。

今次精品比上次抵，全場精品以低至四折發售；正價HK$100或以下精品，任選三件HK$100；正價HK$200或以下精品，任選三件HK$200。

好似呢個TOMY的士車仔就原價$69，如果買3件就只須$100！

大量公仔玩具。

呢部咁型格嘅計算機，原價$340，現特價$102。

原本折咗$20嘅食譜書本，今次開倉價$12。

恐龍玩具，$200買到3件。

呢套DIY玩意又係200蚊有3件。

牆貼一樣有折上折優惠

背包、Tote Bags都有

小蜜峰有轆背包超得意

STARWARS公仔

 現場劃了一部分畀J.CREW開倉，有男女裝之外，仲有童裝。

呢件夾綿背心原價$650，現25折$162.5。

藍色披肩仔原價$568，現25折$142。

J.CREW購物滿$500再有額外8折。

由於上次我哋報告完6折開倉後，有讀者去到發現佢要派籌先上到去好唔開心。(利申：其實我哋事前都唔知後尾要派籌，而且我哋亦唔係幫佢賣廣告，只係為大家報料。)我哋今次醒，問定Page One方面會唔會過兩日無啦啦又要拎籌先上到嚟，佢哋就話：「真係答唔到你！」追問下，佢哋就解釋，因為上次都係突然太多人來到，需要管制人流，先要臨時有派籌嘅措施。

咁今次會唔會重蹈覆轍呢？佢哋就話：「真係答唔到，有機會要再派籌、又或者有其他新措施，要視乎人流。」Oh NO！

佢哋最後就話：「上次的確係無公布臨時要派籌嘅，但今次有新改動就會喺Facebook Page通知…大家都係留意番Facebook公布最Offical。」嘩！多謝你呀！

咁大家如果真係有興趣去Page One買平嘢，建議都係留意佢哋有冇新公布啦。另外，現場貨品嘅折扣標示都幾混亂，建議去到問清楚有幾多折先畀錢。

地址：新界葵涌大連排道58-66號樂聲工業中心9樓B室(地鐵站A出口)

營業時間：星期一至五中午12時至下午8時、星期六早上11時至下午8時、星期日休息