2019-11-23, 週六

【小編實試】Refresh!掛頸式空氣清新機

而家睇天氣報告,周不時都會話空氣污染指數極高,尤其天氣炎熱時,街上更灰濛濛一片好似勁多懸浮粒子,連出街抖啖氣都辛苦。大家出街都忍唔住戴個口罩,但又太過焗促,今次小編幫大家試吓一個掛頸式空氣清新機,希望頂得住混濁空氣。

【產品推介】refresh!掛頸式空氣清新機

今次試嘅係來自台灣的ible Airvida L1掛頸式隨身負離子空氣清新機,而呢部機開發嘅團隊來自台灣及德國,不論於材質的選用、檢測報告、電磁波幅射的規範,均符合歐洲的最高標準。

【產品推介】refresh!掛頸式空氣清新機

一開盒拎上手就感覺個掛頸位好柔軟,而且機身好輕,產品說明話重70g,掛上頸都唔會太重負荷。

【產品推介】refresh!掛頸式空氣清新機

【產品推介】refresh!掛頸式空氣清新機

連主機盒內一共有三個配件,見到支針時真係以為點解部機都會用sim卡,原來係用來清潔刷頭。

做到空氣清新嘅原理,是由於它設計貼近臉部,配搭以負離子環的設計,令所釋出的負離子可快速將臉部周圍的懸浮粒子(如PM2.5與花粉)去除,並同時分解有害的有機揮發氣體(VOC,如甲醛),提供清新健康的生活環境,更可減少二手煙、寵物毛屑、灰塵與細菌的不適。另外,而當中所釋放出的兩百萬個負離子/cm3,濃度更如同大自然森林瀑布旁的100倍。講完呢大堆資料,其實都只係想話畀大家知佢有幾勁!

【產品推介】refresh!掛頸式空氣清新機

呢個出風口位置都感覺唔到有風出,而裡面有個小刷子。

至於小編呢就自己掛上頸感受一吓,其實掛咗上頸之後無乜特別感覺,摸落前端風口位置只有微弱到近乎沒有的風,不過,小編正值鼻塞,掛上一陣之後漸漸覺得好似通咗咁,唔知是否心理作用呢,四周的空氣好似幾清新,之後再放返低又好似塞返少少,再次戴上之後又好似舒服咗,好似真係有啲料到咁!

不過,轉個頭畀同事試一試,佢竟然話用完之後覺得個鼻塞咗,唔知係咪已經畀小編傳染咗呢?!另外兩位同事都試咗,一位話無乜特別感覺,一位就話要張個風口吹到好近先有感覺。

【產品推介】refresh!掛頸式空氣清新機

除了掛頸之外,還可以直立放置,連辦公室、屋企書枱都可以保持空氣清新。

資料就顯示Airvida L1的PM2.5去除率達99.9%、甲醛去除率達99%、除菌率達96.8%,實測效果皆取自獨立公正實驗室測試報告,如日本SGS、JAIRA、JIRA實驗室等,所以看似有保證。

撇除價錢的考慮,如果畀小朋友戴,可以減低空氣污染對佢哋嘅影響,其實都唔錯!不過,他們肯唔肯戴住它四圍走,又係另一個要解決的問題了。

建議零售價:$1,299

查詢:2955 1000