2019-08-24, 週六

【解決鬆郁矇】5小秘訣影低扎扎跳孩子

暑假都差不多過左一半,好天氣時,唔出街同仔女影吓靚相點得呀?

觀塘海濱花園就係一個唔錯嘅選擇。觀塘海濱花園前後有兩個入口,一個喺觀塘公眾碼頭行入去;另一個由觀塘道休憩處穿過隧道入(即下圖位置)。不過無論邊一面入去,都會見到個長長嘅草地,可以畀咁多位爸媽揀個靚位慢慢坐低野餐同嬉戲!

1800D 01

不過小朋友有時一到戶外,成隻甩繩馬騮咁,捉都捉唔住,家長想同佢地影吓沙龍都有難度!有時想趁佢玩嘅時候影吓相啦,點知影出嚟小朋友變成「摩打手」、「摩打腳」,有啲甚至未對到焦就影咗,名符其實「鬆郁矇」 ,唔少家長頭都大埋,唔識點影先好!

800D 02

小秘訣1: 極速對焦、連環快拍,影低小朋友跑動冇難度

Canon早前推出的EOS 800D,擁有極速0.03秒自動對焦速度,可以幫爸媽輕鬆解決呢個問題,而且簡單到可以輕輕掂一掂個屏幕,就即刻幫你對焦兼影埋相,咁就可以好快咁對準小朋友最可愛嘅一刻黎捕捉啦!就算小朋友掛住玩,都完全冇問題!

1800D 03

有時就算小朋友肯企定定半秒畀你影相,表情都未必係最開心最可愛,所以家長應該盡量俾小朋友自己玩,利用相機從玩嘅過程中影低佢地最開心果面。

1800D 04

小秘訣2: 善用光學觀景器輕鬆捕捉跑跳動作

EOS 800D 內有兩套自動對焦,唔用LCD螢幕,可以用光學觀景器(即係眼仔)拍攝,仲有45點全十字型自動對焦系統同每秒6張連拍,適合小朋友無定向四圍跑時追蹤用,所以無論小朋友幾失控跑得有幾癲都好,你都會輕鬆捕捉到佢地跑跳嘅動作,同埋活潑可愛嘅一面。

1800D 05

呢度仲有啲對小朋友黎講有挑戰性嘅設施,好似呢個吊環咁,唔夠高玩,都可以選擇影下相。

1800D 06

而呢款識郁嘅平衡木仲刺激,好考平衡力㗎,唔好話小朋友,大人企上去都搖到不得了,小朋友或者要大人扶住先可以安全行晒成程呀!係呢個過程,都可以透過同小朋友玩,進一步建立彼此嘅關係。小朋友玩得開心時,自然笑得甜啲俾你影啦!

1800D 07

小秘訣3:引導性介面 用最簡單方法影最靚嘅相

唔少家長用親呢啲單反相機,見到個界面會怕怕,但呢部EOS 800D新增咗引導式嘅介面,無論調校咩模式,屏幕都會出現該模式嘅用法同設定後嘅預計效果,話畀你聽點影先係最適合,務求令各位爸爸媽媽用最簡單嘅操作就可以發揮單反快速靈活所長,影出普通相機或電話影唔到嘅相!

1800D 08

小秘訣4: 利用反mon同touch mon影相睇相 輕鬆記錄小朋友最真摯時刻

你冇睇錯,係掂一掂個屏幕就可以影到相,呢部機除咗可以用平時用開嘅快門制影相外,重可以畀你touch mon影相,咁樣就可以令平時用慣智能電話影相嘅家長都好容易適應,捕捉到小朋友遊玩時最真摯嘅表情啦!個mon又可以上下180度轉,無論低角度拍攝、高抄都冇問題,唔使下下擒高擒低咁辛苦。而且,影小朋友最好將相機嘅位置放低少少,進入小朋友嘅視角世界,影出黎嘅相效果會更好,呢啲時候,有反 mon 就方便好多喇!

1800D 09

玩到攰都可以選擇坐喺到靜靜看吓海,人都平靜啲!草地嘅外圍,有用木板砌成嘅路,令到個環境更貼近大自然,感覺同出面街道用嘅水泥路分隔開,令人更舒服。家長都可以趁呢個時候坐低同小朋友傾下計,多啲了解佢地嘅諗法。

1800D 10

襯住小朋友坐低落黎,呢個時候就可以睇下相啦。當然,唔好掛住睇相冷落咗小朋友,一於同佢一齊睇,咁就一舉兩得啦!

DSC 0108

支援touch mon左右掃動嚟睇相,好貼心!

小秘訣5: 內置藍牙、NFC同WI-FI無線連接功能 即時上傳分享喜悅

影完相如果想即刻upload上載到網上同其他家長朋友分享亦得,相機內置藍牙、NFC同WI-FI無線連接功能,只要你手執一部智能手機,安裝好Canon “Camera Connect” app,就可以立即連接相機,即時瀏覽及傳輸相片,令整個分享嘅程序更方便快捷!有時仲可以利用埋Wi-Fi連接黎遙控影相拍片添!

1800D 12

小朋友嘅成長時刻眨吓眼就過去,選擇一部操作方便但性能好嘅相機,就可以人人都變成攝影師,幫你更輕鬆去記錄佢地嘅成長過程,將來睇返仍然歷歷在目,有如親歷其境!

 

更多Canon EOS 800D詳情: http://bit.ly/Canon_EOS_800D_2017

×