2019-09-19, 週四

【親親大自然】假日湊B野餐去

文章索引

湊B野餐去!邊個話文青先野餐、打卡、影相?湊住B嘅媽媽一樣可以!

【親子好去處】假日湊b野餐去

有一大片地方又可以俾小朋友跑跑跳跳,大人又可以放鬆一下,最好不過就係襯住好天氣,唔落雨嘅時候去野餐同小朋友一齊去玩﹗

今次揀咗位於火炭站附近嘅彭福公園同小朋友一齊去玩。

【親子好去處】假日湊b野餐去

【親子好去處】假日湊b野餐去

今日大概11 點就到達目的地,一大片草地再加個細公園,開埋張喺淘寶買嘅大野餐墊,加埋今日嘅好天氣,連BB 都話正。搵咗個好位泊好架BB車,佈好個野餐陣之後,大人開始食野,小朋友就開始玩!

【親子好去處】假日湊b野餐去

先睇睇帶咗咩去野餐:首先有好多好多嘅水果,包括士多啤梨、藍莓、橙、紅提同青提。

之後就係主食,係本媽媽以後學校旅行時嘅懷舊食物,芝士火腿三明治、菠蘿腸、仲有BB好like 嘅粟米同日本蕃薯。最後就係媽媽們嘅零食同飲品。

【親子好去處】假日湊b野餐去

到咗一點左右,個大太陽曬住頭頂,熱到出煙,所以通常都會揀樹下面嘅位置,有時會有一陣陣嘅涼風,吹住好舒適。

【親子好去處】假日湊b野餐去

去野餐唔少得帶bubble去同小朋友一齊玩,吹嘅又有,手動式都有,睇下玩到幾爽。

【親子好去處】假日湊b野餐去

隔離仲有個公園,小朋友實係衝去玩到夠。

【親子好去處】假日湊b野餐去

【親子好去處】假日湊b野餐去

公園隔離有草地,有木凳。見到有大人推住BB車散步、一家大細喺個草地上面踢波都得。

【親子好去處】假日湊b野餐去

玩到咁上下,又攰又口渴時,公園隔離就有汽水機同廁所名可以買飲品同洗個面。都係2分鐘唔洗就到嘅,好方便!


【親子好去處】假日湊b野餐去

廁所外面仲有飲水機可以用。

【親子好去處】假日湊b野餐去

其實呢度仲有好多狗狗出沒,興奮死鍾意狗仔嘅小朋友。

【親子好去處】假日湊b野餐去

玩足3個幾鐘都夠晒,開始餓,閃人!走嘅時候發現小食車仔,見到串鴨腎又大又香咁,即買黎食。

【親子好去處】假日湊b野餐去

呢度3串總共$27,鴨腎要$16串,好似貴咗啲。不過都幾好食,佢唔太咸(重口味者可能會覺得淡咗啲),口感都彈牙,可以一試。

【親子好去處】假日湊b野餐去

而魚蛋同腸都算幾好,魚蛋唔似啲好重粉嘅魚蛋,仲好有童年時放咗學一大班去食嘢嘅感覺。

最後提一提,選搭港鐵嘅你就要喺火炭站嘅C出口(御龍山出口),大約行15-20分鐘就會到達目的地架啦!

【親子好去處】假日湊b野餐去

仲要留意彭福公園嘅開放時間呀﹗

http://charities.hkjc.com/charities/chinese/jc-community-facilities/penfold-park.aspx

×