2019-10-14, 週一

【自創句子學書法】我唔係肥 只係受熱膨脹

係香港,學習呢兩個字比人嘅感覺就係充滿壓力同沉悶!好多時小朋友厭倦學習都係因為教學方式未能與時並進,加入創意元素。其實要令小朋友覺得學習係好玩一啲都唔難,睇下台灣老師係點教小朋友學書法啦。

學書法嘅人真係少之又少,咁傳統嘅技藝好似點都同「有趣」扯唔上任何關係,但其實只要退一步放寬規範,比小朋友自由發揮天馬行空咁創作,想寫乜就寫乜,已經可以令佢地覺得好開心,你睇下呢個「肥仔」笑得咁開心就知我無呃你!

20170113 5793 A1

我明!我真係明,香港365日都咁鬼熱搞到我每一日都處於膨脹狀態!

20170113 5793 A2

聽落又幾有道理,果然鍾意笑嘅人都比較樂觀,我欣賞你!

20170113 5793 A3

相信呢個係好多人嘅遺憾嚟,不過你個「只」字寫漏咗用箭咀加返落去係咩玩法!

20170113 5793 A4

實在太勵志啦!希望呢位小朋友一直保持住開朗嘅心去學書法。睇完呢位小朋友嘅創作之後覺得人生不過如此,肥又好,有雙下巴都好,其實都無咩咁困難!

圖片:爆料公社/葉浩筌