2019-10-17, 週四

【而家要猜謎定解題?】小五「12個火柴人」功課難倒家長

小朋友而家啲功課出題真係五花八門,呢張台灣小五嘅生字功課,你又答唔答得出?

日前,有台灣網友係社交群組「爆廢公社」貼出小朋友嘅作業,直呼難度真係好高,引發網友討論。

 20171120 8033 B01

(呢份功課係一份俾小朋友學生字嘅工作紙,只見上面有12個火柴人搭配動作,要學生估出他們分別係咩「人」。)

一堆火柴人唔知做緊咩咁,到底係學生字定猜緊謎?網友見狀後紛紛靠估,好多台灣網友估左下拎住劍嘅火柴人係「賤人」(普同話諧音),其餘都無人估到,大家都紛紛吶喊:「一定都是人,這要逼死誰」、「都是火柴人」、「你我皆凡人」、「老師不是人」、「誰看的懂啊,現在的小孩真可憐」。

 

不過都有叻叻網友估中,從左上至右下,分別係「半獸人、城市獵人、龜仙人、工具人、三重人、基隆人、捏麵人、希臘人、福建人、鐘樓怪人、西方人、客家人」。

 

圖片及資料來源:Facebook Page「爆廢公社」