2020-08-04, 週二

【門都拆埋你呀!】台灣媽媽去廁所 慘遭BB「拆門」尋母

9112

做咗人媽媽,就會發現自由嘅空氣係幾咁珍貴……因為屋企果位「小皇帝」,有時連你去廁所果幾分鐘,都唔想放過你ToT

台灣就有一名媽媽,平日經常係自己Facebook Page分享自己約1歲仔仔嘅趣事,最近就有一則分享,引嚟所有媽媽們深深嘅共鳴!

影片中見仔仔將門下方通風嘅百葉窗,毫不猶豫地拆除,然後露出無辜表情望住媽媽…

 20180730 9112 B01

據悉當日,媽媽上廁所,門外傳嚟仔仔「尋母」嘅呼叫聲。作為一名「熟手」媽媽,好淡定咁回應仔仔:「媽媽在上廁所」然後就由得仔仔係外面扭計。點知仔仔亦經驗老道,深知媽媽唔會理自己,於是用力拍門,媽媽勸話:「不行喔!」說話啱啱出口,廁所門下方嘅通風百葉窗就被仔仔成個拆咗…媽媽望住仔仔一面無辜,自己亦只好望住佢無奈傻笑並感慨:「只是上個廁所…有必要把門給拆了嗎?」

 

影片上傳網上後,好多網友都紛紛話好有共鳴!身為媽媽嘅都話:「其實媽媽廁所門外…都有這種小怪獸」而好多未婚網友紛紛表示「我媽說我小時侯也這樣!媽媽不管怎樣都不能消失在眼前」、「你給他吃了蠻牛嗎」,相當搞笑。