2019-11-14, 週四

【幾時餵糊仔?食果蓉?】6個月大BB加固須知

BB出生後的數個月,都應以母乳或嬰兒配方奶為主要食糧。隨著BB日漸長大、身體機能成熟,將近6個月大的BB,大多數就可以開始進食固體食物,亦即踏入「引進固體食物過渡期」。

但人人個BB都係獨一無二、發展步伐快慢亦都有唔同,點樣先知道自己個BB係咪已經適合加固呢?幾時先係正確可以嘗試的時機?

【親子飲食】6個月大bb加固須知

圖片:網絡

當BB有以下的表現時,他便可嘗試進食固體食物:

活動能力
‧靠椅背坐起來
‧能抬起頭部
‧能伸手抓物件

進食表現
‧對食物感興趣
‧表現出十分想吃的樣子
‧看見匙羹便張嘴
‧把匙羹放進寶寶的口裏時,嘴唇能合起,含着匙羹
‧能閉上嘴巴吞嚥食物

咁首次加固時,應該食乜先呢?根據衛生署建議,應該選擇一啲鐵質豐富嘅食物,家長可從屋企嘅食材中,選用容易製成糊蓉嘅食物。而加入食物亦沒有特定的先後次序,家長可讓BB嘗試米糊或米粥三四天,然後給他試吃蔬菜蓉或水果蓉。另亦可以在米糊中加入蔬菜蓉,或單獨把蔬菜製成糊蓉;早啲嘗試蔬菜和水果嘅天然味道,可以令BB更容易接受唔同種類嘅蔬果,大個就冇咁容易偏食囉。

穀物類:粥糊、嬰兒米糊、嬰兒麥糊
較容易磨爛成蓉的瓜菜:冬瓜、節瓜、合掌瓜、南瓜、紅蘿蔔、莧菜、菠菜、番薯、馬鈴薯
較熟和軟的水果:香蕉、啤梨、桃、蘋果、木瓜

資料來源:衛生署

【親子飲食】6個月大bb加固須知

Hody Ma個BB由於係個全母乳嘅大碼B,所以我就喺佢大約近5個月、佢食完奶都仲喊肚餓嘅情況下,首次畀佢試食以母乳開嘅米糊,份量比例大約係1湯匙純米粉加3湯匙母乳,結果全部食晒,仲搶食添。事實證明佢已經準備好加固,同時亦發現佢都OK為食。

另外,都有個Tips要提提準備為小朋友加固嘅家長,就係如果你喺BB 6個月之前想試餵米糊,就記得揀盒上寫明係(4+Months Stage1)畀4個月以上BB食嘅米糊,質地係比適合6個月以上BB食嘅米糊(例如雀巢嬰幼兒米粉)幼滑啲嘅。點解我知?因為我試過囉,我就係買咗上圖呢個品牌同雀巢嬰幼兒米粉返屋企界阿B試,兩種都食過,前者幼滑啲。(Hody Ma真金白銀買,純分享,唔係廣告。)