2019-12-08, 週日

【50年歷史冰室】必食超正蕃茄撈蛋麵

每次去親尖沙咀,我都會去呢間懷舊冰室食蕃茄撈蛋麵,雖然地點超隱秘、環境亦有點殘舊,但就非常有復古Feel,而且佢哋嘅蕃茄撈蛋真係好好味!未試過真係要試下!

位於尖沙咀香檳大廈地庫的星座冰室,其實位置有點隱秘,由於香檳大廈的店舖類型比較「廣泛」,如雜貨店、按摩店等,所以一般人都不會聯想到地庫會有食店。所以當你看到大廈樓梯陰陰暗暗、又有按摩店廣告招牌,唔使驚,直接行落去就可以喇!

【親子飲食】必食超正蕃茄撈蛋麵

星座冰室就係咁架喇!

【親子飲食】必食超正蕃茄撈蛋麵

現場比相片睇落會再陰暗一啲。

【親子飲食】必食超正蕃茄撈蛋麵

現場非常古舊,唔係扮古舊,係真係好殘舊,因為啲檯檯櫈櫈都有幾十年歷史喇。

【親子飲食】必食超正蕃茄撈蛋麵

超懷舊黑板白字,不過我記得上次嚟果陣啲字係再殘舊啲,可能呢啲字已經重申過!

【親子飲食】必食超正蕃茄撈蛋麵

唔止裝潢古舊,就連水吧同收銀阿叔都係,收銀阿叔揭報紙、水吧阿叔就大模斯樣企喺水吧位置抽煙!唔知點解,佢哋嘅行為同現場環境好配合,完全無違和感!

【親子飲食】必食超正蕃茄撈蛋麵

呢度嘅粉麵價錢由$32至$40不等,另有魚片、白菜、炸丸等小食。

【親子飲食】必食超正蕃茄撈蛋麵

蕃茄撈蛋通$32,外觀雖然好似嘔吐物「杰撻撻咁」,但係真係好好味喎!

【親子飲食】必食超正蕃茄撈蛋麵

如果大家食牛肉的話,茄牛麵$32又係必食!基本上就係鮮茄蓉撈麵咁,無湯架!

地址:尖沙咀金巴利道16-20號香檳大廈地庫36號舖

營業時間:星期一至六8am至21:30pm;星期日休息