2020-03-29, 週日

【霸氣食法!】墨西哥原塊仙人掌火鍋

冬天最正梗係三五知己、或者一家人齊齊整整咁打邊爐啦!夠晒溫馨暖笠笠。但成日都係肥牛、雞煲實在有啲悶!今個冬天不如試下新嘢!仙人掌火鍋點睇?

高級墨西哥料理餐廳Verde MAR最新將當地的熱湯文化帶到香港,並融合本地火鍋特色,於12月30日起,獨家推出三款特色墨西哥火鍋,包括墨西哥雞肉暖鍋、墨西哥什錦海鮮火鍋以及專為素食者而設的墨西哥綠色素食火鍋,好似好正咁!

【親子飲食】獨家墨西哥原塊仙人掌火鍋

餐廳主廚Eligio Escobedo引入的墨西哥火鍋均用文火熬煮大量的佛手瓜、捲心菜、胡蘿蔔、馬鈴薯、粟米、及盛產於中南美洲的南瓜,作蔬菜高湯。蔬果令湯底清甜之餘,又唔怕燥熱上火,例如南瓜性溫味甘、具補中益氣的功效,適合在冬天作滋補食材。

【親子飲食】獨家墨西哥原塊仙人掌火鍋

而伴碟選取清新宜人的青檸、芫荽、微辣的洋蔥及辛香撲鼻的辣椒來提味,令湯頭帶有少許微辣,清爽開胃。

湯底以外,必試火鍋靚料一定係仙人掌。

【親子飲食】獨家墨西哥原塊仙人掌火鍋

主廚以原塊仙人掌烹煮,外層口感煙韌有咬勁,入面就好似蘆薈咁清涼潤喉。同時,仙人掌還富有清热解毒、健胃消食的功效,比坊間一般火鍋配料健康得多。