2020-09-29, 週二

【觀塘覓食】「車仔麵叫法」自選刺身飯

相信大家都食過車仔麵,亦都好清楚車仔麵係點樣「揀餸」!有冇諗過魚生刺身飯都可以咁樣叫法呢?觀塘apm一田內的「勝手丼」就可以咁樣叫法喇!

「勝手丼」其實唔係新嘢,喺上址已開業一段時間,不過馬穎就第一次親身去「朝聖」,所以都希望同大家分享一下。

【親子飲食】「車仔麵叫法」自選刺身飯 

平時買外賣壽司,一舊舊咁自己揀就試得多,魚生刺身飯自己逐款揀就真係未試過!呢間「勝手丼」就可以畀你逐款揀喇!

【親子飲食】「車仔麵叫法」自選刺身飯

各款魚生刺生都唔算貴,3蚊起就可以點一款!

【親子飲食】「車仔麵叫法」自選刺身飯

海膽、皇帝蟹腳就屬貴價貨,分別係$39同$45一份。

【親子飲食】「車仔麵叫法」自選刺身飯

至於「飯底」就有兩個選擇,小盛飯$10、大盛飯$15。

【親子飲食】「車仔麵叫法」自選刺身飯

點樣「叫餸」?其實就同平時食車仔麵一樣,填紙就可以喇,仲可以免費加紫菜、蔥同芝麻添!

【親子飲食】「車仔麵叫法」自選刺身飯

除咗自選刺身區之外,其實另一邊會提供現成組合好款式嘅刺生飯,方便趕時間嘅顧客,而且價錢計落仲平啲,當然就無自己揀餸咁過癮啦!

【親子飲食】「車仔麵叫法」自選刺身飯

中午5點左右時段去到,都有好多人幫襯有人龍!相信Lunch Time會仲多人!

「勝手丼」地址:觀塘apm廣場一田